قەسەدە: ٢٠ چەتێ کوشیێ، ٢ درۆنێ وزیێرە وار
قەسەدە ئەرەیاوناش؛ جە ماوەو ٢٤ سەعاتا ویەردەینە جە جەنگوو دەوروبەرو بەنداو تشرینی و دەگاکا منبجینە ٢٠ چەتێ کوشیێنێ و ٩ کەسێچ زامڏارێ بیێ و ٢ درۆنێ وزیێرە وار.
هێزەکێ سوریای دیموکراتیکی ئامارو ٢٤ سەعاتا ویەردەی جەنگو دەوروبەرو بەنداو تشرینی و دەگاکا منبجیش ئاشکرا کەرد.
بەیاننامەکەو قەسەدەی پی جۆرەنە:
"جەنگاوەرکێما هیزی (شەممە) هرووژمەکێ چەتەکا ئەرەگیرا دۆڵەتو تورکیای جە دەگاو خربە زەماڵا جە پانیشتوو وەرکەوتوو منبجی وەروچەکی داوە، جەنگ بەینو هێزەکاما و چەتەکا ڕووەشدا. جە ئەنجامەنە ٤ چەتێ کوژیێ و ٥ چەتێش زامڏارێ بیێ، چەتەکێ تەرێ جە قۆڵەکا تەرو جەنگینە بڕەمێ. هەرپاسە ٢ درۆنێ تەقەمەنیێ هورگیرو چەتەکا جەلایەنو هێزەکاماوە وزیێرە وار.
جە قۆڵەکا تەرۆ دەوروبەرو بەنداوو تشرینی بە فڕۆکەی جەنگی و تۆپێ و چەکی قورس بە قورسی تۆپواران کریا.
فڕۆکێوە بێفڕۆکەوان جەنگی دۆڵەتو ئەرەگیرو تورکی ئیشکگیرا بەنداو تشرینیش بۆمبواران کەرد. جە ئەنجامنە ئیشکگیرێ گەشمەرڏە بی و ١٢کەسێ تەرێچ زامڏارێ بیێ.
هەرپاسە جە شارۆچکەو دێر حافری فڕای فڕۆکەی جەنگی و فڕۆکەی بێ فڕۆکەوانی سەرو ئاسمانو ناوچەکەیرە بەردەوام بێ. فڕۆکەکێ خاڵێوە هێزەکاما جە ناوچەکەنە بۆمبواران کەرد و جە ئەنجامەنە جەنگاوەرێوە گەشمەرڏە بی و ئەرێ کەسێ تەرێچ زامڏارێ بیێ. هەرپاسە چەتێوە کە گەرەکش بێ وێش وسۆنە خاڵێوە هێزەکاما باڵبەسکریا.
جە قۆڵو سردەو قەرەقۆزاقینە جەنگاوەرەکێما جوابو هرووژمەکا سوپاو ئەرەگیرو تورکیای و چەتەکاشا داوە. هەرپاسە جەنگاوەرەکێما هرووژمشا کەرد سەرو گلێرۆبییەی چەتەکا جە کەشو خوڏای و پارکو دەگاو قەبر ئیمۆی. تا ئایاگێ ڕۆشن بییەن، جە دەگاو قەبر ئیمۆینە ٢چەتێ کوشیێنه و ٤چەتەرێچ زامڏاری بیێنێ.
جە کەشو خوڏای جە شارو ئەبو قەلقەلی گروپێوە جە چەتەکا دۆڵەتو تورکی هەوڵشادا هرووژم بکەرا سەرو خاڵو هێزەکاما، بەڵام جەنگاوەرەکێما وەربەرچشا دێوە. جە ئەنجامەنە ١٤ چەتێ کوشیێ کە یۆشا سەرکردێوە گروپو ئەل حەمزات بێ بە نامێ ئەبو ئەل حارس ئەل جەزراوی. هەرپاسە فڕۆکە جەنگییەکێ دەگاکا بیر حسۆ و چوارڕێیانو سردەو قرەقۆزاق و دەگاکا خەسەق و مەلها لە نزیکو سردەکێ بۆمبواران کەرد، بەڵام حیچ زەرەرێ نەکەوتەنۆ.
باڵانسو هیزی: ٢٠ چەتێ کە سەرکردێوەشا چنە کوشیا، 9 چەتێ تەرێچ زامڏارێ بیێ، هەرپاسە چەتێوە باڵبەسکریان، ٢فڕۆکێ بێفڕۆکەوانێ تەقەمەنی هورگێر وزیارە وار."
