قەسەدە ئامارو ٢٤ سەعاتا مڏرامانو جەنگاوەرا و هرووژمە ئەرەگیرەکا دۆڵەتو تورکیش وەڵا کەردۆ و ئاماژەش پانەیەدان هرووژمە ئاسمانییەکێ دۆڵەتو تورکی ئەرەگیری بە دڕندەترین شێوە بەردەوامێنێ.
مییانو ئەرەیاوناو هێزەکا سووریای دیموکراتیکی (قەسەدە) ئامارو ٢٤ سەعاتا دماو هرووژمەکا دۆڵەتو تورکی و چالاکییە وەرپەرچداکا هێزەکاش ئاشکرا کەرد.
جە ئەرەیاوناکەینە ئاماژە بە چالاکی هێزەکاشا جە دژو هرووژمە ئەرەگیرییەکا دریان و ئامان: "جەنگاوەرەکێما هیزی جە دژو بارگێوە سوپاو دۆڵەتو تورکی و چەتەکاش ئەنجامش دان جە تەپۆڵکەو قەرەقۆزاقینە. جە ئەنجامەنە زامڏاربییەو چەتێ و ئەرەگیراش ونە کەوتۆ، بەڵام ژمارەو زامڏارا نەزانیان."
جە بەردەوامی ئەرەیاوناکەینە دەستنیشان کریان، هرووژمە ئەرەگیرەکێ دۆڵەتو تورکی جە ئاسمان و زەمینەنە جە دژو دەگاکا هەرێمەکەی بەردەواما و جە ئەنجامەنە زەرەری ماددی وەرفراوانش ونە کەوتەنۆ.
حەر جە ئەرەیاوناکەینە ئامان: "هرووژمە ئەرەگیرەکێ سەرو بەنداو تشرینی بەردەوامێنێ و گرڏو شەوەکێ بەنداوو تشرینی بۆمبواران کریان و زەرەری ماددی وەرو بەنداوەکەی کەوتەن."
جە ئەرەیاوناکەینە ئاماژە کریان پانەی جە هرووژمەکانە زەرەری فرە وەرو زەمینە کشتووکاڵییەکا دەگاکا کەوتەن و ماچۆ: "جە تەمامو ڕووەکەینە جموجۆڵو فڕۆکەی بێفڕۆکەوان جە ئاسمانو هەرێمو ناوچەو شیوخ بییەن. هەرپاسە بە درێژای ڕۆکەی سەرو شارو عەین عیسای و دەگاکا فرۆکەی جەنگی خولیانۆ."
