مېیانو ئەرەیاۋنای هێزه‌كاو سووریای دیموكراتیکی (قەسەدە) ئەرەیاۋناش، دووۍ چەتۍ داعشی جە وەختو هرووژمکەردەینە پەی سەرو یۆ جە نوقتەکا هێزەکاشا جە پانیشتوو حەسەکەی کوشیێنۍ.

مېیانو ئەرەیاۋنای هێزه‌كاو سووریای دیموكراتیکی (قەسەدە) ئەرەیاۋناش، “هێزەکېما پەی هۊرشێونایۆ و گێرتەی ئەنداماو ئەوەمەڼنا شانە تیرۆریستییەکا داعشی جە گرڎو ناوچەکا سەرنیشت و ۋەرکۊتوو سووریای بەردەوامێنۍ جە ئۆپراسیۆنەکاشا."

قەسەدە چا چوارچێوەنە ئەرەیاۋناش، "سەرسەعبو ئارۆ یەرەشەمەی، دووۍ چەتۍ جە شانە پەنهانەکا داعشی، جە وەختو هەوڵداینە پەی ئەنجامدای هرووژمی تیرۆریستی پەی سەرو یۆ جە نوقتەکا هێزەکاما، جە پانیشتوو شارو حەسەکەی،  جە جوابدایۆ هێزەکامانە کوشیێنۍ."

قەسەدە ئەرەیاۋناش: ئا دووە چەتۍ هەوڵشا دا دزە بکەرا دلۍ نوقتۍ سەروازیی هێزەکاماو، بەڵام بە وردی چېرو چەمڎاری جەنگەوانامانە بێنۍ، هەر دووە چەتەکۍ دەسوەڵێوەستەیشا کەرڎ و هرووژمشا کەرڎ سەرو هێزەکاما، جە ئاکامو جوابدایۆ جەنگەوانامانە هەر دووە چەتەکۍ کوشیۍ."