سەعات ١٠:٠٠ شاندو ئیمراڵی سلێمانینە چنی بافڵ جەلال تاڵەبانی سەرۆکو یۊبیەی نیشتیمانی و قوباد تاڵەبانی یاگەگیرو سەرۆکو حکومەتو هەرێمو کوردەسانی و شاناز ئیبراهیم ئەحمەدۍ ئەندامۊو مەکتەبو سیاسی یۊبیەی کوۍ بیێوە.

دماو گلېرۊبیەکا، بافڵ جەلال تاڵەبانی سەرۆکو یۊبیەی نیشتیمانی بەیاننامێوە نویسیاش وەڵاکەرڎۆ. جە بەیاننامەکەنە ئامان، بافڵ جەلال تاڵەبانی، سەرۆکو یۊبیەی نیشتیمانی کوردەسانی، جە دەباشان خېرئامای شاندو ئیمراڵیش کەرد بە سەرۆکایەتی پەروین بوڵدانۍ و سری سورەیا ئۆندەری.

هەرپاسە جە بەیاننامەکەنە ئاماژە پانەیچ کریان جە گلېرۊبیەکەنە قوباد تاڵەبانی ئەندامو مەکتەب سیاسی ئاماده بۍ، شاندو ئیمرالی سڵام و ڕێزو ئێژا عەبدوڵا ئۆجالانیشا یاونا بە بافڵ جەلال تاڵەبانی سەرۆکو یۊبیەی نیشتیمانی، سیاسه ت و سەرنجەکۍ ۋێشا سەبارەت بە ڕووەدایه سیاسییەکا ناوچەکەی و پرسو ئاشتی جە تورکیانە و گفتوگۆکاشا چنی ئێژا ئۆجالانی باس کەرد. هەرپاسە سەرۆک بافڵ سەرەڕاو خېرئامای گەرمو شاندەکەی، بەڕۊشنی پەیلوایەکۍ ۋێش و ستراتیجو یۊبیەی نیشتیمانیش سەبارەت بە قۆناغەی تازۍ ئاشتی جە تورکیانە ئارڎ زوان و ئەرەیاۋناش، پاڵپەشتی و پەشتگیری گرڎو ئا کەسا مکەرمۍ کە گەرەکشانە مافو گەلوو کوردی جە تورکیانە پارێزنا و هەرپاسە پېسە یۆبیەی نیشتیمانی پەی سەرکۊتەی ئا کۊششە تاریخیەی کە سەرۆک مام جەلال جە ساڵۊو ١٩٩٣ ێنە بناغەش نیا بێرە، هامکارۍ بیمۍ.

هەرپاسە جە بەیاننامەکەینە ئامان:" جە میانو گلێرۆبییەکەینە سەرۆکو یۆبییەی نیشتمانی کوردەسانی ئەرەیاوناش، هەتا  پرسو کورد چارەسەر نەکریۆ ئاشتی و ئارامی جە ناوچەکەنە بەرقەرار نمەبۆ و پیسە وەڵتەر ئەرەیاونابێما پرسو کوردی به چەک و جەنگ چارەسەڕ نمەبۆ و مەیاۆنە ئەنجام. چونکە تاکە ڕای چارەسەری گفتوگۆی  حەقەتینەن. هیوادارێنمێ گرڏو لایەنەکا هەوڵێوە تایبەت و دڵسۆزانە دانە پەی ئی دەرفەتە تاریخییە، سەرو بنەماو بڕوێما بە پێوەرە ژیوای، واڵە و برایەتی، ئاشتی و ئارامی هەن. بافڵ جەلال تاڵەبانی سەرۆکو یۆبییەی ئەرەیاوناش، هیوادارێنمێ زوانو دیالۆگی سەرو گرڏیۆ بۆنە و دەسو واڵە و برایەتی وسمێ دلێ دەسو یۆتری، هیوادارێنمێ پەی والەو و برایەتی تورکی و کوردی سەرکۆتەی ئی هۆڵە نیشتمانییە، نیازێوە جددی جە ئارانە  بۆ."