هامسەرۆکو گرڏی پارتو دیموکراسی و گەلا (دەم پارتی) تونجەر باقرخان دماو گلێرۆبییەیۆ حەفتانەو پارتەکەیش جە پەرلەمانەنە، جوابو  ڕۆنامەواناش داوە.

گلێرۆبییەکێ ئاسانێ نییەنێ

پەیوەس بە پرسیارێ، ئاخۆ داواکارییە چەمەڕا نەکریاکەو ڕابەر ئاپۆی کەی دریۆنە، باقرخان واتش، 'گلێرۆبییەکێ ئینێ ئارانە و ئنەیچ  ئاسان نیا. پەی ڕێکوزتەکەو وێش، ئەرەمەرزیێ جیاوازەکا، پەی دۆسا، پەی پەدەکە و یەنەکە... بەڕاسی شاندەکە سەرەڕاو گرڏو سەختییەکا هەرمانیوە گۆرە بەراڕاوە. دماو گێڵایشاوە گلێرۆبییەکا هورسەنگنانە. پەی ئانەی شاندە جە کوڵترین ماوەنە بلۆنە چێشما دەسەنە بێ مکەرمێش. هیوادارێنمێ و ئینایمێ چەمەڕاو ئانەینە؛ جە ماوێوە نزیکەنە داواکارییەکە کریۆنە."

دۆخێوە ناڕۆشن نییا پەی ئێمە

پەیوەس بە پرسیارێ داخۆ داواکارییەکە جە مانگەو شوباتینە کریۆنە یانا، باقرخان واتش، "سەبارەت بە ئێمە دۆخێوە نا ڕۆشن  نییا. گەر وەزیرو دادی بڕێ خێرای دۆنە پی هەرمانێ، بە ئەگەرێوە فرۆ ئێژا ئۆجالان دماو ئەرەیاوناو دمای ئامای  بە گلێرۆبییەکا ئامادەکارییەکا وێش مکەرۆ و داواکرییەکەیش مڏۆ. شاندەکەش گەرەکشا پەی لوایش پەی گلێرۆبییەکا ئەرەیاونۆنە. وەڵێ داواکارییەکا یان دماو داواکارییەکا، بەڵام ئێمە گەرەکمانە دماو گلێرۆبییەکا شاندەکەی دریۆنە."

نەخشەڕاکێ ئامادە مکریۆ

پەیوەس با بانگەشا کە ماچانە چی 'چەک نیارەی بۆنە' باقرخان واتش، "وەڵتەرێچ واتەبێما داواکارییێ سەڏساڵە مکریۆنە. بە پاو ئێمە، دوور جە هەرەشەو ئاسایشی، تنوتیژی و تیرۆر، نەخشەڕێوە ژیوایێ یەکسانی پەی خەڵکو ئی وڵاتەیە ئامادە کریۆنە. چەک لایەنێوە فرەو لولانەو ئینەین، ئەنجامەکەش. بنەماو ئی هەرمانە دیموکراتیزەکەردەیە تورکیان. نەخشەڕێگێ ئانەیە ئاشکرا مکەرۆ کە پرسو کوردی جە زەمینەو تنوتیژییۆ دەربازو زەمینەی سیاسی، یاسای کریۆنە و چارەسەری دیموکراتیک پێکمێنە."