هێزەکاو سووریای دیموکراتیک-قەسەدەی سەبارەت بە وەرپەرچدایۆ هرووژمو چەتەکا سوپاو تورکی ئەرەگیری ئەرەیاۋنێوەش وەڵا کەرڎۆ و ئاماژە پانەی کریان هێزەکێشا بە چەکی قورس گورزەشا جە پێگێوە گلېرۊبیەو چەتەکا شانان.

جە ئەرەیاۋناکەینە ئامان، هێزەكێما بەچەكی قورس خاڵێوە گلێرۊبیەو چەتەكا دۆڵەتو ئەرەگیرو توركیشا جە سردەو قەرەقۆزاقینە کەردەن ئامانج، پا مەڵامەتۆ هەشت چەتۍ فەوجەو "جوند حەمەرین"ی کوشیێنۍ، كە یۊشا ۋەرپرسێوە باڵا بیەن، هەرپاسە ١٣ چەتۍ تەریچ زامڎارۍ بیێنۍ.

هامكات یەكینەكۍ گەشمەرڎە هارونی دووۍ ئۆپراسیۆنۍ سەرکۊتێشا جە دژو چەتەكا جە تەپو خودی و نەورۆزینە ئەنجامدا، پا مەڵامەتۆ ترۊمبێلێوە چەتەكا دلېنە بریا بەڵام ژمارەو کوشیای و زامڎارەکا دیار نییا.

وستەیرە وارو فڕۆکەی بێفڕۆکەوانی

هامكات هێزەكێما تاواشا دووۍ فڕۆكۍ بێفڕۆكەوانۍ دۊڵەتو ئەرەگیرو توركی وزارە واری، ئینە جە کاتێوەنە فڕۆكە جەنگییەكۍ دۊڵەتو توركی بەردەوام دەوربەرو بەنداوو تشرینی بۊمبواران مکەرا، هەرپاسە تۆپخانەكێچشا سەرەمڕە بەردەوامێنۍ جە بۊمبوارانی.

ئاماژە پانەیچ کریان، فڕۆكەكۍ دۆڵەتو ئەرەگیرو توركی چن هرووژمێوەشا پەی سەرو دەگاو غاسق، مەلحە، ئەبو قەلقالی و شەبانیەی دەسپنەکەرد، بەڵام گرڎو هرووژمەکاشا بۍ ئەنجامۍ بێنۍ، دماتەر چن ناوچێوەتەرشا بۊمبواران کەرڎو هیچ زەرەرێشا نەبۍ.

ئانەیچ وزیان ڕووە، جە دەگاو خەربەت زەمانی نزیك بە بەنداوو تشرینیچ فڕۆكەكۍ دۊڵەتو توركی چن هرووژمێوەشا ئەنجامدا، هیچ زەرەرێوەشا نەبۍ، بەڵام فڕۆكە بێفڕۆكەوانەكۍ دۊڵەتو توركی هاموڵاتیۍ مەدەنیێشا جە بەنداوو تشرینینە کەردۍ ئامانج، پا مەڵامەتۆ ١٠ هاموڵاتیۍ مەدەنیۍ زامڎارۍ بیۍ.