ناوەنڎوو ئەرەیاۋنای و چاپەمەنی قەسەدەی ئەرەیاۋناش: "جە ئاکاموو هجوومێوە ۋێکوشی چەتەکا داعشی و هجووم و چەتەکاو هێزەکا حکومەتوو دیمەشقینە جە ۋەرکەوتوو دەیرەزۆری، ٤ جەنگەوانێما گەشمەرڎۍ بیۍ و ٧ جەنگەوانێچما زامڎارۍ بیۍ".
ناوەنڎوو ئەرەیاۋنای و چاپەمەنی هێزەکاو سوریای دیموکراتیکی (قەسەدە)ی ئەرەیاۋناش چەتەکاو ڕێکوزیاو تیرۆریسی داعشی وێرەگاو ئارۆی ترۊمبێلێوە بەبۊمچنیاشا بە نوقتێوە سەروازیمارە جە شارۆچکڵەو شحێلی ۋەرکەوتوو دەیرەزۆرینە تەقناوە.
درێژەو ئەرەیاۋناکەو قەسەدەی ئینەن:
"ئا چەتە ۋێکوشەی ترۆمبێلەکەی خوڕێوەنە بەرەی ڕەئیسی نوقتە سەروازییەکەیش ۋییەرنا و گەرەکشبۍ بلۆ دلۍ، بەڵام جەنگەوانەکێما جوابشا داوە و ناستشا بۍ چووەر، جە ئاکامەنە تیرۆریستەکە ترۊمبێلەکەش ۋەروودەم و بەرەکەینە تەقناوە، پی مەڵامەتۆ ٣ جەنگەوانێما گەشمەرڎۍ بیۍ و ٧ جەنگەوانێچما زامڎارۍ بیۍ.
ئا وەختەی جەنگەوانەکېما جەنازەکا و زامڎارەکا هۊرگێرێنۍ، چەتەکۍ ڕژێموو سوریای جە دیموو ۋەرکەوتوو بەحریۆ ئا جەنگەوانێشا کەردۍ ئامانج، پا مەڵامەتۆ جەنگەوانێوە تەرما گەشمەرڎە بی.
حەقەو گەشمەرڎاما جە تەماموو چەتە و تیرۆریسا مکەرمېوە و نمازمۍ ئەمنیەتوو و ئارامی هەرێمەکەی تێک بڎا".
