قەسەدە ئاگایشدا چانەی بەمەڵامەتوو هرووشمەکا دۆڵەتو ئەرەگیرو تورکیوە، مەترسی وڕای بەنداوو تشرینی ئینا زیاڏبیەینە و لایەنە پەیوەندیدارەکێش ئاگاڏارێ کەردێوە چانەینە کارەساتی مرۆیی ڕووە بڏۆ.
ميیانو ئەرەیاونای و چاپەمەنی هێزەکاو قەسەدەی جە بەیاننامێوە ڕسمینە ئەرەیاوناش، بۆمبوارانو فڕۆکە جەنگی و فڕۆکە بێفڕۆکەوانەکا دۆڵەتو ئەرەگیرو تورکی و هرووژمە دڕندانەکا پەی سەرو هەرێمو دەوروبەرو بەنداوو تشرینی بەردەوامێنێ.
جە بەیاننامەکەنە ئامان: فڕۆکە جەنگییەکێ سوپاو ئەرەگیرو تورکی بە چڕی هرووژم مکەرا سەرو بەنداوو تشرینی و دەوروبەریش و بوۆردومانش مکەرا.
هەرپاسە جە ئەرەیاوناکەینە ئاماژە پانەی کریان، بە پاڵپەشتی فڕۆکە جەنگی و فڕۆکە بێفڕۆکەوانەکاو سوپاو ئەرەگیرو تورکی چەتەکێچ سەرەمڕە بۆمبوارانو ناوچەکەی مکەرا، هەرپاسە جەنگ و ملەملانەکێ جە فرەو یاگا ناوچەکەینە بەردەوامیشا هەن.
جە ناوچەو کۆبانێ، فڕۆکە بێفڕۆکەوانەکێ سوپاو ئەرەگیرو تورکی ترۆمبێلێوە مەدەنیشا جە دەگاو گرکێ بۆمبواران کەرد و دەگاو ئاسلانکێچ جە پانیشتو شارو کۆبانێ بۆمبواران کرای.
قەسەدە جەختش چانەی کەردۆ کە مەترسی وڕاو بەنداوو تشرینی ئینا زیاڏبیەینە و دۆڵەتو ئەرەگیرو تورکی وەرپەرسا جە هەر کارەساتێوە کە جە ئەنجامو وڕای بەنداوەکەی و شۆنەکا تەری کە سوریانە ڕووە بڏۆ.
