جە ١٥و ئادارینە چا وەختۊ سیاسەتمەداروو کورڎۍ "کەنعان ئایاز" گەرەکشبیەبێ جە تەیارەخانەو لارناکاو قوبرسیوە بلۊ سوید بە مەبەسوو دیەۍ بنەیانەکەیش، بە بەهانێ ئانەیۊ دەوڵەتوو ئەڵمانیاۍ قەراروو گێرتەیش پەۍ بەرکەرد، کەنعان ئایاز لاو پۊلیسوو قوبرسیوە گیریابێ. دادگاو لارناکاۍ جە ١٩و نیسانینە قەرارش دابێ،  کە ئایازۍ ڕادەسوو ئەڵمانیاۍ کەرۊوە، وەلێم ڕاو تانەدایوەنە جە دادگاو باڵاینە بە کریاوەۍ ئاستەبێشۊ.

لە ٩و ئایارینە ئەرەنیشتەێ کریابێ و قەرارەکە ئارۊ بەرکریابێ. بە پاو قەرارەکەۍ ئایاز رادەسوو ئەڵمانیاۍ کریۊوە.

وەرڎەموو دادگاو باڵاو نیکۊسیاینە ناوەندوو کۊمەڵایەتیۍ کوردا، خێمێ دادپەروەرییشا ورڎێبێ. پۊلیسەکێ چاگە ئیبراهیم ئایازوو براو کەنعان ئایازۍ، کە مانش جە وارڎەۍ گرێتەبێ و حەرپاسە ڕۊنامەوان باران بێنێ و محەمەد ئوچاشیان گێرتەبێ. ئەرەیاونیابێ کە کەنعان ئایازیچ بە مەبەسوو شەرمەزارکەرڎەۍ قەرارەکەۍ لە ٤وو ئایاریوە دەسش بە مانگیرتەۍ جە وارڎەۍ کەرڎەن.

دماو بەرکەرڎەۍ قەراروو ڕادەسکەرڎەۍ کەنعان ئایازۍ، کورد و دۊساو گەلوو کورڎۍ وەرڎەموو دادگاو باڵاو نیکوسیاینە کوێ بیێوە و قەرارەکەشا شەرمەزار کەرد.

س.ز