کۆمەڵە یاساییەکێ و پەشتیوانی جە بنەیانەو زیندانییا و حکومدریایاو مەڕمەڕەی (مە توای دەر)ی و قەومێ زیندانییا چوارچوەو هەڵمەتەو "ئازادیی پەی عەبدوڵا ئۆجالانی، چارەسەری سیاسی پەی پەرسەو کوردی" وەردەموو زیندانوو ژەناو باکرکۆینە چالاکیی "دەنگیت بوزە پاڵوو ئازادی"یشا کەرد. هامقسەکەرەو کۆنگرەو دیموکراتیکوو گەلا (هەدەکە) جەنگیز چیچەکە و چندین هاموەڵاتێ بەشدارێ چالاکییەکەی بێنێ، چندین جارێ درووشـموو "بژیوۆ مدرامانوو زیندانی" و "شکۆو ئینسانی ئەشکەنجەی دلێنە بەرۆ" و "بە مدرامان سەرێمگنمێ" بەرزێ کریێوە.

هامسەرۆکەو (مە توای دەر)ی دیلەک سۆنمەزە چالاکییەکەنە ئەوەخوایش کەردۆ تا ورگێرتەی گۆشەگیری چالاکی و وێنیشانەدای بەردەوام مبۆ، واتش: "دژوو ئا چێوا زیندانەکانە ڕووە مدانە، پەی ماڕای گۆشەگیری ئێمە هاوشێوەو گرد حەفتێوە چێ چالاکیی ئەرەنیشتەی مکەرمێ".

دماو چالاکیی ئەرەنیشتەی، بە درووشم و چەپڵێ دماییش ئاما.