ئنڎەو ئەرەکۊشایشا، گەشمەرڎەبیەو دووۍ قارەمانا کورڎەسانی بە نامەکا شێخموس ملازگری و ئاسۆ فەرزادیچ شکۆدار بۍ. ئاڎۍ ڕادەستۍ نەبیۍ و دڵوو دوژمنیشا وەش نەکەرد. بە مڎرامانوو ۋێشا بیۍ بە نوێنەرۍ ڕاو ئازاڎیی، بیۍ بە ڕێباز و سەرکەوتەی.
بڕۍ وەختۍ هەنۍ گرڎوو ژیۋایت فاڕا. گرڎ چێوۍ کە مزانیش جە ۋییەرڎەنە مەنۆوە و حەرچنڎە بژیوی وەسۍ نمەبۆ پەی ئەنەیاوای چا وەختیە. وەختۍ هەن ژیۋای ۋییەرڎە دمایش مۍ و ۋێت جە سەرەتاو تاریخۍ تازەینە موینیۆ. نامۍ ئاڎیشا دەلال، لەیلا، یاشار، شیخمۆس و ئاسۆن، بەڵام ڕۆحشا خەیری، کەماڵ، زیلانە و بیریتانەنە. جە سەردەمۍ جیاوازەنە پەی یەک مەرامی ئەرەکۊشایشا کەردەن و واتشا: "یان ئازاڎی، یان ئازاڎی، یان سەرکەوتەی، یان سەرکەوتەی" پی جۆرە ئازاڎییشا بەدەس ئارد. وێنەکۍ گەشمەرڎە ئاسۆ فەرزادی و دما ساتەکۍ گەشمەرڎە شێخموس مەلازگر (یەڵماز ئۆنار)ی ئێمەشا بە ڕاسی سۆتەی ژیۋای ئاشنا کەرد. ئا ژیۋایەی کە باوشیشا پەی کەردەبۍ، ئێش و وەشی ژیۋایش جە دڵمانە زینڎە کەردۆ. من عاشقوو مەرامەکەیشا و ئا حەقەتینەینا کە شۆنیشەرە گێڵېنۍ. جارێوەتەر ڕاسی پەکەکەیشا جە دژوو دژمنی ترسنۆکی نیشانە دا. ئینە ئا ساتۍ بێنۍ کە جارێوەتەر هەستم بە ۋێم کەردۆ.
ئینە داواو گەشمەرڎەکامانە. حەتا کورڎەسان ئەرەگیرکریابۆ نە وتەی، نە واردشا، نە ژیوایۍ ئاسوودە بە مەژگشارە ئاما. ئاڎۍ واتشا نمەتاوا چنی دژمنێوە بژیوی کە گرڎ ڕوۍ سووکایەتیت پنەمکەرۆ، چنی دوژمنێوە بژیوی کە گرڎ ڕوۍ زیڼانی و دەسبەسەرت بکەرۆ، چنی دژمنێوە بژیوی کە ئەڎێت سەرو زەمینیۆ کوشۆ و واڵێت بڕفانۆ و ئەشکەنجەش مڎۆ، نمەتاوی بژیوی نا. ئاڎۍ دما قسېشا ئینێنە کە "قبووڵکەردەی دژمنێوە کە تەنانەت پېسە کۆیلێوە حیسابت پەی نمەکەرۆ و ژیۋای چنی دوژمنێوە کە نکۆڵیت ۋنە مکەرۆ، بێ ئەخلاقییا و حەراما و قبووڵ نەکریان". هەم ئەرەکۊشایشا یاگۍ شکۆمەندی بۍ و هەم گەشمەرڎەبیەیشا. بە تەسلیم نەبیەیشا، دوژمنشا دڵوەش نەکەرد. بە هەڵوێسوو ۋێشا نوێنەرایەتی ڕاو ئازاڎیی و سەلەمنای سەرکەوتەی کەرێنۍ. ئاڎۍ نیشانەشا دان کە ئینسان چڼە مبارەکا پەی ژیۋایۍ شکۆمەندانەی گیانوو ۋێش بەخت بکەرۆ.
حەرچڼە زۋانم تواناو وەسف و ئەرەکۊشای ئی قارەمانا کورڎەسانیش نییا، بەڵام هەوڵ مڎەو باسوو ئا وەختا بکەرو کە دڵ تەنگشا کەردا و هەستەکۍ منشا وروژنۍ.
وێنەکاو گەشمەرڎە ئاسۆی و دما ساتەکا گەشمەرڎە شێخموس ملازگری یۆ چا وەختا کە منش یاونا بە حەقیقەتوو ژیۋای جەنگەوانۍ. ئا ژیۋایەی کە باوشیشا پەی کەردەبێوە، ئێش و وەشی ژیۋایش جە دڵمەنە زینڎە کەردۆ. من عاشقوو دۆزو ئاڎیشا بێنا، عاشقوو ئا حەقەتینەیە بێنا کە ئاڎۍ شۊنیش کەوتێبێنۍ. جارێوەتەر حەقیقەتوو دوژمنی نامەردی، ڕاسی پەکەکەیشا ئارڎ ۋەرو چەمام. ئانۍ ئا وەختۍ بێنۍ کە جارێوەتەر هەستم بە ۋێم کەردۆ، چونکی محاڵا پەی کوردێوە هەستش بە دوژمنەکەیش کەردەبۆ بە ئاسانی وەرمش گنۆ پۊرە، بەڵام چانەینە جە ئیشکگیریی درێژخایەنەنە وەرم بەرۆشۆ. بەڵام داواو گەشمەرڎا ئانەنە کە تا ئەرەگیر جە کورڎەسانەنە بۆ، نە وەرم، نە واردەی، تەنانەت ساتێوە ئارامیچ بیەیش نمەبۆ. پەیاموو ژیۋایشا ئانە بۍ کە نمەتاوی چنی دوژمنێوە بژیوی کە گرڎ ڕوۍ سوکایەتی بە بیەیت مکەرۆ، زیڼانیت مکەرۆ و بە گرڎ جۊرۍ ئینا هەوڵوو دلېنەبەردەو تۆنە.
هەڤاڵ شێخموس مەلازگر پەی ماوەو ٣٢ ساڵا جە هێڵۊو ئەرەکۊشای ژڵێوەو ئاپۆیینە بۍ. ئاڎ فەرماندەی گەورەو پەرسوو ڕاسی گەلەکەیش بۍ. جە گرڎ کەشێوە کورڎەسانەنە یاگۍ ئەرەکۊشایش هەنە. ۋەرگەو گرڎ جۆرە ئاژێوە سەختی و زەحمەتیاش گێرت پەی ئانەی جە ئاینڎەنە زەردەخەنەو سەرو لچا زاوڵەکا کەم نەبۊوە. گەشمەرڎە شێخموس جە تەمەنی گەنجینە سەرو ڕاو حەقیقەتی و ڕاسینە هەنگامەس نیا و گەنجی ۋێش فیداو گەنجا کورڎەسانی کەرد پەی ئانەی ڕۆڵەکاو کوردی چێرو تانکەکانە جە کوچە و کۆڵانەکانە نەکریا چێرۆ و شۊنەو زرێپۆشەکارە نەکیشیا، جە هەلیکۆپتەرەکاوە فڕە نەدریا و پارچە پارچە نەکریا پەی ئانەی جە وڵاتێوە ئازاڎینە بژیوا. سات بە ساتو ژیۋای ۋێش پەی ئازاڎی تەرخان کەرد. بی بە فەرماندەو کات و ساتە ناوەشەکا. جە ماوەو ٣٢ ساڵا ژیۋای شۆڕشگێڵنینە، ۋێش بە شایستەو ژیۋایۍ تەری نەزانۍ جگە جە مانیای و ئەرەکۊشای. بی بە بنیاتنەرو ژیۋای ئازاڎی و بە پێگەو فەرماندەیی ۋێش نیشانەو گرڎیش دا کە ژیۋای و مەردەی چنینا و چنی مبۆ. گەشمەرڎە شێخموس مەلازگر و جەنگاوەرا چێر دەسوو فەرماندەیی، شکسشا پا ئەرەگیرا ئارد کە واچێنۍ گەریلا جە سەرنیشت نەمەنەن. دروۍ و چەواشەکارییەکۍ جەنگی تایبەتی دوژمنش بێ کاریگەر کەرد و پلانەکێش ماڕۍ.
هەڤاڵ شێخمۆس بی بە ڕاس و کامڵی و خاسی و چەوەسیای. واتش نەخێر تەسلیم بۆ. واتس بەڵێ پەی ژیۋایۍ ئازاڎی و شەرەفمەندانەی. واتش: تەسلیمبیەی بە خیانەتی و مڎرامانی بۆ بە مەڵامەتێوە ژیۋایۍ شەرەفمەندانەی، سەرکەوتەیش ۋنە گنۊوە. بە دەنگوو تفەنگەکەیش جە کەشەکا سنوورینە هاوارو ئازاڎیی کەرۍ. پېسە خەڵکوو سنوور سەرش نەبەرد و ئی وەشیەشە بە دوژمنی نەڎا.
ئانۍ دمایین ساتەکێشا جە نزیکۆ دیۍ سەبارەت بە گەشمەرڎە شێخموسی ماچا: "فەرماندە شێخموس پەنجێش وستێنە سەرو تریگەرەکەی، وەختۍ ئەرەگیرەکۍ تەرمەکەشا دیەن، جە توڕەیینە گەرەکشابیەن جەستەش پارچە پارچە بکەرا". دوژمن تەنانەت جە تەعزیەو ئا فەرماندە گەورەینە کە ڕای ڕاسە و کامڵە و عالە و چەوسیایاش گێرتەبۍ ۋەر، تەرسیش بۍ، چونکی دوژمن زانۍ فەرماندەی گەورە شێخموس ئیفتخارو پیێوە تەمەن ٣٢ ساڵ و مانیاین. هەر وەرو ئی مەڵامەتیچە دوژمن گەرەکش بۍ جەسەیش عەزیەت بکەرا. بەڵام دۆس و دوژمن فرە عال مزانا کە بە پارچەپارچەکەردەی تەرموو گەریلای یان فەرماندێوە پەکەکەی نمەتاوا زەرەر بە کەرامەت و شەرەفوو گەلوو کوردی بیاونا. ئا فەرماندە شەریفە تا دما سات خەباتش کەرد و دەسش جە کاردۍ نەڎا و بە خەبات و ئیرادەو ۋێش شەرەفوو کورڎەسانیش پارێزنا.
هەڤاڵ شێخمۆس بی بە حەقی، کەماڵ، خەیری و مەزڵومی هامچەرخ. واتش نا. واتش 'ۋۍ دایدەسۆ بۆ بە ناپاکی 'و' مڎرامان ڕاو ژیۋایۍ شکۊمەنڎانەی و سەرکەوتەین'. بە دەنگوو تفەنگەکەیش جە کەشەکا سەرحەدینە هاوارو ئازاڎیش بەرز کەردۆ. پېسە خەڵکوو سەرحەدی ناستش دوژمن وەشی و چێژ جە سەرەنامنایشەرە هۆربگێرۆ.
ئانۍ پەی دماین جاری دیشا سەبارەت بە گەشمەرڎە شێخموسی ماچا: "فەرماندە شێخموس پەنجێش سەرو پەلەپیتکۍ تفەنگەکەیشۆ بۍ پا جۊرە گەشمەرڎە بی، وەختۍ ئەرەگیرەکۍ تەرمەکەشا دی، جە توڕەیینە گەرەکشابیەن جەسەیش پارچە پارچە بکەرا. دوژمن تەنانەت جە تەرموو ئا فەرماندە گەورەینە کە ڕاو هەڤاڵ حەقی، کەماڵی، خەیری و مەزڵومیش گێرتێبۍ ۋەر، تەرسیش بۍ چونکی دوژمن زانۍ فەرماندەی گەورە شێخموس فەخری گەورەو گەلێوەن. هەر وەروو ئی مەڵامەتیە دوژمن گەرەکشابۍ جەسەیش عەزیەت بکەرا. بەڵام دۆس و دوژمن فرە عال مزانا کە دەسدای جە تەرموو گەریلای یان فەرماندێوە پاسە گۊرەو پەکەکەی کاروەدای جدیی شۊنەو ۋێشەرە مارۆ و نمەتاوا زەرەر بە کەرامەت و شکۆو گەلوو کوردی بیاونا. ئافەرماندە گۆرە پېسە چنی تا دما ساتەکا ئەرەکۊشایش کەرد و دەسش جە پەلەپیتکۍ تفەنگەکەیش هۆرنەگێرت پاجۊرەیچە بە جەنگوو ئیراڎەو ۋێش شکۆو کورڎەسانیش پارێزنا.
ئاسۆ فەرزاد: لە ئەدەبیاتوو ئێمەنە بیب بە قەڵاو تەسلیمنەبیەی
گەشمەرداو کوردستانی بەونەو وێسا تاریخی منویساوە، ئاسۆ فەرزاد یۆ جا قارەمانانە، گەریلێوی جەنەئاماو سەردەمی تازەی بێ، هەمیشە هەوڵەکاشنە پەی ژیواێوی ئازادی شۆنەو ڕاسییەکارە گێڵێ . وزەو گەنجی دڵشەنە پێسەو گڕکانێوە وەراوەروو دوژمنی ونمجیوە جۆشیێ. گەریلا ئاسۆ پیسەو حەر هامڕایوە وەرکەوتوو کوردسانی بە حەز و مەیلێوە فرەوە دژوو هجوومکاو ئەرەگیرکاری رووە مکەرۆ دەرسیموو وەرکەوتوو کوردسانی. پەی هەقسانایۆ ئاتاکا و زیلانەکا ڕووبەڕووبییەیوە ئەرەگیرکاری ڕایێوە دوورە و خۆفناکەش بڕییە، تەرەسەکێش فرێبێنێ و دەژمن جەنگیوی تایبەیتش کوردسانەنە دەس پەنە کەردەبێ، بە تەکنۆلۆژیا و بەکرێگیریایەکاش و تۆڕەو زانیارییەکاش، کۆنترا و سیخوڕێ. بەڵام ئاسۆ سڵش نەکەردۆ و گردوو ئی وەربەساشە ویەرنێ.
نیشانەش دا کە هیچ چێوێ نمەتاوۆڕاگێریی وەنەو پەکەی بکەرۆ جە هیچ چێوێنە. وەختێ یاوا هەرێموو مووشی ڕووبەڕوو خیانەتێوە پێسەو ئانەو عەلی شێری بییۆ. ئا خیانەتکارە کە بە زەڕیوی کەم وێش بە دوژمنی ورەتەبێ، هەڵوێستوو ئاسۆیش بە ئەرەگیرکەرا یاونا، وەختی دیش دەورەشا دان بەهێمنی ڕومانکەش پێچنا وێشۆ، تابلێتەکەش ماڕا تا دوژمن زانیارییش سەرۆ ورنەگێرا، گردوو بەڵگەنامەکاش دلێنە بەردێ، تا دما سات پارتەکەش وگەلەکەش پارێزنێش، ئا هەوڵ و مانیایە کە دابێش ناستش بە زایە بلۆ. ١٨و تشرینوو دووەموو ٢٠٢٢ تا دما گولە چەنی دوژمن٦ی گژیا و لوا کارەوانوو نەمراوە.
ئاسۆ فەرزاد وەڵێ گەشمەردەبییەش سەروو دیوارەکاو ئا یاگێوە کە مدرامانش دلێنە کەرێ نویستەبێش "پەکەکەبییەی شەرەفا، ئەدەبیاتوو ئێمەنە چیوێ بە نامێ تەسلیمبییەوە نییەن، من پەکەکەنا، هەی تەرسنۆکا!" گەشمەردە ئاسۆ کە تا دما گولە چەنی دوژمنی گژیا، ٧ ئەرەگیرێش کوشتێ و دوژمنی ئەرەگیرش چانەی پەشیمان کەردۆ کە چڕێنێش وەنە "تەسلیم بە، تۆ تەوقە دریانی."
ئێمە ئینایمێ قۆناغێوەنە کە کورد دوژمنایەتیێوی بێئەخلاقی و نائینسانانەش چەنی مکریۆ، گەشمەردە ئاسۆ جوابوو بانگەوازوو دوژمنینە، پەی وێدەسۆنەدای ڕومانەکەش پێسەو هەر جەنگاوەرێوە تەروو پەکەکی تەقناوە وێشرە، چا وەختیوە کە شایەتحاڵوو ئی قۆمیایە بییەنا نەتاوانم پێسەو جارا بژیوو، چونکوم ئانەی ڕووە مدۆ تەنیا ڕاسی نییەن، بەڵکوم ژیواێوەن کە نەزمش وەش کەردەن، وەلێ ئەگەر شۆنەو ڕاسییەکارە مگێڵی قارەمانەکاو پەکەکەی گەشمەردە شیخ مووس و گەشمەردە ئاسۆ خاستەرین نموونەنێ.
