ئاشکرا بی نزیکەو هەزار دەنگدەرا پارتو چەپی سەوزی بەبۍ ئانەی ئاگاڎارکریېباوە پېسە ئەنڎاما دەسەو سەرو سنوقەکا دەنگدای بە نامۍ پارتو وەتەن-یۊ نریېنېرە.

بە شێۋېوە سەرەکی فرەو ئا کەسا، کەسېنۍ کە عمرشا فرەن و بۍ ئانەی ئاگاڎارکریېباوە نامەکېشا کریېنە بە نامۍ دەسەو سەرو سنوقەکا دەنگدای و پا مەڵامەتیچۊ مەتاۋا دەنگ بڎا.

وەختۍ ئا دەنگدەرۍ لوۋۍ پۍ بنکەکا دەنگدای، پېشا بەرکۊت، کە ساختەکاری و تەڵېوە پا جۊرەشا پۍ نریانەرە.

وەرو ئانەی ئا دەنگدەرۍ بەڵگەنامەو "١٤٢"ېشا نەبۍ، نەتاۋاشا دەنگو ۋېشا بڎا.

جە دژوو ئی ھەرمانۍ، کە پۍ ڕاگېرتەین جە دەنگو کورڎەکا و ئۊپۊزسیۊنی، ناۋەنڎو هەماهەنگی و چەمڎاری ھورچنیەی هەدەپەی و پارتو چەپی سەوزی پۍ گېڵنایۊ مافو ئا دەنگدەرا دەستبەکاربیۍ و حۊلەکېشا چڕکەرڎېنۍ.

ھ . ش