یوە جە ئەرەمەزنەرەکا پەکەکەی ساکینە جانسزە و نوێنەرەو کەنەکەی جە پاریسەنە فیدان دۆغانە و ئەندامەو تەڤگەرو جوانا کوردی لەیلا شایلەمزە کە ٩ و کانوونو دووەمو ٢٠١٣ پاریسەنە گەشمەرڏي کریێ، جە شارو ڤۆرارڵبێرگو نەمساینە یاڏ کریێوە.

دماو دەقێوە ڕێزگێرتەی جە گەشمەرڏا، دەربارەو ئەوەکۆشای ساکینە جانسزێ و هەمڕێکاش قسێ کریا.

هەر جە چالاکییەکەنە دماین پێشئامێکێ جە وەرنیشتوو کوردەسانینە تاوتوێ کریێ. هەرپاسە هۆرسەنگنای کریا پەی دماین هرووژمەکا دۆڵەتو تورکی پەی سەرو وەرنیشتی، هامکات باس جە ئیدارەو تازەی هەیئەو تەحریرو ئەل شامی (هەتەشە) کریا.

جە هۆرسەنگناکانە جەخت وسیا سەرو کاریگەری هامسەنگییە تازەکا کە جە ئەنجامو ئەرەکۆشای تەڤگەرو ئازادیی کوردی بەرکەوتێنێ.