سەبری ئۊک ئەنداموو دەسەو ڕاوەبەریی کەجەکەی بەشڎارییش جە 'بەرنامۍ تایبەت'وو ستێرک تیڤینە کەرد و بابەتوو ڕۊو ئیسەیش ورسەنگنا. چەمپەنەکەوتەکەی سەبری ئۊک-ی ئینەن.

گۊشەگیریی سەخت جە ئیمرالینە بە گرڎ نۊعۍ هەن. فاشیزموو ئاکەپە / مەهەپەی تا ئیساتۍ وەراوەروو گۊشەگیرینە وێش بێدەنگ کەرڎە، وەلۍ چی دمایۊ، گۊشەگیریی ئیمراڵییش بە بارودۊخێوە گونجیا وەسف کەرد. جە لایۍ تەرۊ، گەلوو کورڎی و دۊساو کورڎی و دلۍ مەیڎانی میاننەتەوەیینە ساعیبڎاریێوە گەورەشا جە ڕابەروو گەلوو کورڎی "عەبدوڵا ئۊجالان"ی هەن. شمە چەنی ئی دووە دۊخا ور سەنگندێ؟

حەر دووە دۊخەکە ڕاسێنۍ. یانی نزیکەو ٢٥ ساڵان گۊشەگیری و بڕیایرەی سەروو ڕابەر ئاپۊی درێژەش هەن. ئانە ڕاسیێوەن کە وەزیروو دادوو تورکیایچ وێش خەڵەتنۊ و گەرەکشا گرڎکەسیچ خەڵەتنۊ، تەسەورش، چانەن کە متاوۊ خەڵکی خەڵەتنۊ و دروۍ کەرۊ. هۊکارەکەش ئانە نییا، کە زانیارییشا سەروو دۊخوو ڕابەر ئاپۊی نەبۊ. خاس مزانا، کە فشار و ئانێچە کە فشار کەرا حەر وێشانۍ. گۊشەگیری هەن، حیچ مافوو زینڎانیێوە ئاسایی پەی ڕابەر ئاپۊی نییا. جەڕاسینە ئادۍ و سی پی تی-یچ پێوە چەنی یۊی ڕێکۍ کەوتێنۍ. سی پی تی بە پاو ئەخلاق و پێمەرەکاو وێش مەجووڵییۊوە، متاوۊ فشاروزۊ سەروو دەوڵەتوو تورکی ئادێچۍ مزانا گۊشەگیری و بڕیایرەی هەن، وەلێم چەنی یۊترینی ڕێکۍ کەوتێنۍ، پێسە بابەتێوە سیاسی چەنەش نزیکۍ باوە و دروۍ کەرا.

پەی دۊخوو ڕابەر ئاپۊی و گەلەکەیما و ئینسانیەتی و هێزە ڕێکوزیایە سۊسیالیستییەکا، شۊڕشگێڵنەکا شەو و ڕۊ ئینۍ سەروو پایاوە. بە شکڵی جیاواز ناڕەزایەتیی وێشا دژوو گۊشەگیری بەر وزا و پەی ئازاڎیی ڕابەر ئاپۊی ئینۍ سەروو پایاوە. جە ڕووەکاو سیاسی، یاسایی و کۊمەڵایەتییوە ساعیبڎاریکەرڎەی و پەشتیوانیکەرڎەێوە چانە پەی ڕابەر ئاپۊی هەن.

ئا پڕۊسە و قۊناغە درێژەش هەن. گەلوو کورڎیچ تەحەملش نەمەنەن. کەسێوە پێسە ڕابەر ئاپۊی لاو دەوڵەتێوە ئەرەگیریوە، کە ڕێز جە حیچ بەها و پیمەرێوە ئینسانیەتی مەگێرۊ و شەو و ڕۊ بەدەر جە گرڎوو ئا پیمەرا جە ئیمراڵینە گیریان. گەلەکەما، ئێمەیچ پەی وێما و کەسانۍ بەئەخلاقۍ ئا چێوا قبووڵۍ مەکەرا. چند ڕۊۍ چاوەڵتەر کۊنفرانسێوە پەی ئازاڎیی ڕابەر ئاپۊی و ئا دۊخەو ڕابەری ڕێک وزیا. کۊنفرانسێوە فرە نامیە بۍ. جە ئاستوو میاننەتەوەییچنە قسەوباسی فرەش سەر کریا. فرە کەسۍ بێگانۍ پێسە نویسەرا، یاسائشناسەکا و سیاسەتمەڎارا گفتوگۊشا سەر کەرد و دەوڵەتوو تورکیایشا ئیدانە کەرد. بە پاو گرڎ پیمەر و یاسێوە دروس نییا، کە هەڵای "ڕابەر ئاپۊ" دلۍ گۊشەگیرینە بۊ. ئانە حەر وێش گەلەکەما دایمە ئینا سەروو پایاوە. چند ڕوۍ چاوەڵتەر دیسانۊ دوسلدۊرف-نە کۊبیەیۊیۍ جەماوەری ڕێک وزیا. جە گرڎ شۊنێنە هامڕۍ و هەواڎارێما، ڕێکوزیێکۍ و گەلەکەما، پێسە دروشمێوە، ئێمە دایمە باسش کەرمۍ، بۍ سەرۊکی ژیوای مەبۊ، ئانە تەنیا قسێوە نییەنە، جە تاریخوو ئێمەنە ئانە فرە سەلەمیان. دەیان و سەدان هامڕۍ ئاویرشا جە جەسەیشا وەر دان. بەفیدایی هەڵوێسوو وێشا نیشانە دان و گەلەکەما گرڎ چێوێش وستەن وەروو چەماو وێش. ئانە قۊناغ و پڕۊسێوە فرە گرنگا، وەلێم ئیتر یاوان نوقتۍ دماینە. با دەوڵەتوو تورکیای ئانەیە بزانۊ، وەزیروو دادوو تورکیایچ با بزانۊ. مەتاوۊ گەلوو کورڎی خەڵەتنۊ، جمیەرەکەیما خەڵەتنۊ، ناتوانێت کەسۍ ویژدانڎارۍ، کە پابەندنێنۍ بە پیمەری ڕاس و دروسوو یاسێوە، خەڵەتنۊ. ئێمە مزانمۍ ئادۍ چێش کەرا. مەزەندەو ئانەیە دەکەرمۍ، کە جە ئیمراڵینە چێش ڕووە مدۊ، چ فشار و زۊرێوە هەن و ناڕەزایبییەی کۊشیایما، بە گرڎ نۊعێوە جە ڕووە سیاسی، یاسایی و کۊمەڵایەتییەکاوە بەرڎەوام بۊ. ئێمە یاوێنمۍ ئا بڕوۍ، کە تا ئێساتۍ دروێشا کەرڎە، ڕاستەوخۊ واچێنۍ، حیچ گۊشەگیریێوە سەروو ڕابەر ئاپۊیۊ نییا، وەلێم ئی جارە واتشا چێوۍ چانە نییا، یان ئێمە هاگاڎارۍ نییەنمۍ. ئاژېۋە گونجیا گېرۊ دەس، یانی وەڵۍ ئانەی سی پی تی جوابو تورکیایش دابېۋە، بەڵام تورکیا جە هەمان وەختەنە، کە جوابیچ نییا پۍ سی پی تی، بە ئاژېۋە گونجیاش مزانۊ.

سی پی تی ئەگەر پېمەرەکا ۋېش، ڕاسی پا شکڵە دیاری کەرۊ، یاسایی میان نەتەوەیی، مافپارێزی، گلېرگەی بە ویژدان و دیموکراتیک و ئێمە پۍ ۋېما عال مزانمۍ، کە ئاژەکە ئاسایی نییا. زیاڎ جە دوۋۍ ساڵان حیچ زانیاریېۋە جە ڕابەر ئاپۊیۊ نییا. جە چ ئاژېۋەنە مژیۋۊ، ئاژەو تەندروسیش چنینا، بە گرڎی چنی مژیۋۊ. ئێمە مزانمۍ، کە فشار هەن. حیچ پەیوەنڎی و زانیاریېۋەما نییا. خاسا ئانە ئاسایین.؟ پۍ حیچ زینڎانیېۋە چېۋی چانە ئاسایی نییا. ئانە نیشانۍ چېشینە؟ جە کەسایەتیی ڕابەر ئاپۊینە، جە وەران ۋەرو گەلەکەیمانە، جە وەران ۋەرو مرۊڤایەتی و هێزە دیموکراتیک و سۊسیالیستەکانە بە تایبەتی سەرو ڕابەر ئاپۊی ئا هەڵۋێسە و ئا فشارۍ وەردوامېنۍ. ئانەیچ نیشانۍ ئانەینە. ئېمەیچ مزانمۍ، مشۊ گەلەکەیچما بزانۊ و مشۊ دۊسەکېچما بزاناش. پۍ حەر یۊ جە ئېمە، جە حەر ڕوۋېۋە تاومۍ مشۊ ئەرک و وەرپەرسیاریی ۋێش وەران ۋەر بە ڕاسیی ڕابەر ئاپۊی پېک بارۊ، پا شکڵە ئېمە گرڎما جە جوڵېۋەنە بیمۍ. ۋەخت پۍ ئێمە گرنگا. کەمۍ چۍ ۋەڵتەر واتم، ٤٠ – ٥٠ ساڵان، نزیک بە٢٠- ٢٥ ساڵان، ٢٥ ساڵۍ عمرېۋەن، زانیاری نییا. ئاڎۍ چېش ماچا، ماچا ئاسایین، ئانە ماناش چېشا، ئێمە عال مزانمېش. گەرەکشانە گەمە بە مەغزیما کەرا. بە ھېواشی نزیکۍ باوە، جدیۍ نیەنۍ. پێۋیسا هەڵۋێسو ئێمەیچ چا ئاستەیە ڕادیکاڵتەر بۊ، فرە لایەن بۊ و هەمیشەیی بۊ. بەڕاسی بۍ ڕابەر ئاپۊی ژیای مەبۊ. ئێمە جارێوەتەر ئانەی سەلەمنمۍ.

جە لایەیۍ تەرۊ جە ئاستۍ میان نەتەوەینە مدرامانۍ گۊرە هەن و ئېمە باسما کەرڎ. ئانە جە هەمان وەختەنە ئا کېشېنۍ، کە هێزە جیهانییە هەژمونگەرېکۍ چنەشەنە مژیۋا، بە قەناعەتو شمە پارادایمو ڕابەر ئاپۊی پۍ ئاڎیشا چارەسەری و خۊتانکەرڎەی گۊرەش هەن؟

پاردایمو ڕابەر ئاپۊی، ئێمە پاسە ماچمۍ؛ ڕابەر ئاپۊ ئینسانېۋە ئاسایی نییا، کە کریا ئامانجو پیلانگېڵیېۋە میان نەتەوەیی. ئاڎ جە ئێمە عالتەر مزانۊ، کە پارادایمی سیاسی و پێمەرو دیموکراتیکبیەی کۊمەڵایەتیی سەدەی، ڕابەر ئاپۊ پېسە ئەڵتەرناتیڤی وەشش کەرڎەن. چېۋی چانە جە تاریخەنە فرە کەما. جە چن سەڎ ساڵ جارێۋەنە پێغەمبەرێۋە و سیاسەڎمەدارێۋە نامڎار بەرگنۊ. یۊ چانیشایچ ڕابەر ئاپۊن. جە ۋەران ۋەر بە مۊدێڕنیتەی کاپیتالیستی، پارادایمێۋە تازە، مۊدێڕنیتەی دیموکراتیکش ۋەشکەرڎ. ۋەڵۍ گرڎ چېۋېنە ژەنی، گلېرگە چېر دەسەکۍ، گلېرگە ئازاڎیوازەکۍ و ڕۊشنفکرا جەهانی، سیاسەڎمەدار، گلېرگە پۍ ۋېش، مرۊڤایەتی  پانەی موتەئەسیرۍ با. واتە مۊدێڕنیتەی کاپیتالیست مەتاۋۊ پیسی، خراپی، دروۍ و دووڕووی ۋېش بشارۊۋە. بە گر شێۋېۋە مرۊڤایەتی شایەتو ئانەی بۊ، کە جە مۊدێڕنیتەی کاپیتالیستەنە چېش گوزەر کەرۊ. جە ۋەران ۋەر پانەینە، وەختۍ ڕابەر ئاپۊ، مۊدێڕنیتەی دیموکراتکی تازەش ۋەشکەرڎ  کە گرڎ کەسۍ مەسڵەحەت و ۋېش، ئازاڎیی ۋېش، دیموکراتی بیەو ۋېش دلېشەنە موینۊ. هەڵبەتە حەتا ملۊ تەئسیرش سەرو مرۊڤایەتی و سەرو جەهانی زیاتەر بۊ. من قەناعەتم چانەن، ئەگەر ۋەڵۍ گرڎ چېۋېنە پېسە جمیەری، پېسە حیزبی پۍ ۋېش و حەرپاسە ئانۍ، کە متاۋا ئا ھەرمانۍ ڕاۋەبەرکەرا، ئێمە عالتەر پارادایمو ڕابەر ئاپۊی، بە تەنیا پارێزنامەکۍ ڕابەر ئاپۊی، ئێمە عالتەر تاۋېما بە ڕێکوستەیما کەرڎېنۍ و نیشانەو مرۊڤایەتیما دۍ، یاۋنېنېمانە، هەڵۋێسو نزیکایەتیی ئاڎیشا جە ئاستێۋە بەرزتەرەنە بۍ. کەموکوڕیی ئێمە، پېسە ڕەخنەگېرتەی جە ۋېما باس کەرمۍ. بەڵام گرنگا، کە مشۊ چا مژارەنە زیاتەر و فرەتەر و عالتەر مدرامایما سەر کەرڎۍ.

ساڵێۋە سەرو ھجومە ئەرەگیریەکارە پۍ سەرو زاپی، ئاڤاشینی و مەتیناینە ۋیەرڎ. ئەرەگیری فاشیست حسابو ئانەی کەرۍ، کە دوۋۍ پۍ یەرۍ حەفتانە بە ئامانجو ۋێش بیاۋۊ، بەڵام حسابو کیسەی و بازاڕیش یۊش نەگېرتۊ، ئەرەگیری فاشیست، حسابو چېشی کەرۍ، ۋەران ۋەرو ئاڎی چېش ڕوۋەشدا؟ حەرپاسە مدرامانو گەریلای چېشش سەلەمنا؟

ئێمە باسش کەرمۍ. کۊشیایما جە وەران ۋەرو زوڵمی و ئەرەگیری دۊڵەتو ترکی، پېسە بەشو سەروازی جە ١٥و ئاب (تەباخ)ی و چا وەختۊ ٣٠ ساڵش ۋیەرنان و چا ئاستەنە بە دەیان ساڵۍ ۋەردەوامیش بۊ. جە ڕۊو یوۋەمو هەڵمەتەو ١٥و تەباخیۊ  و پې ئانەی شمەیچ ۋیرتا گنۊوە، واچېنۍ، دمایی بە پەکەکەی' ئاما، عمرشا ٢٤ سەعاتېن، ٤٨ سەعاتېن یانی بە سەعاتە عمرو ئێمە دیاری کەرېنۍ حەتا ئێمە نەتاومۍ سەرو ئی خاکیۊ مەنمېۋە و ئێمە دلېنە بەرا. دەیان ساڵۍ ویەرڎ، بەڵام واوەی دیسان ئا چېوا ماچاۋە. گرڎ ڕوۋۍ ماچا، ئێمە ئانڎە کەسېما گەشمەرڎۍ کەرڎۍ، ئا کەسۍ دلېنە شیۍ، ئېساڵ دلېنە مشا، ۋېشا قەناعەت بە دروەکا ۋېشا کەرا، گەرەکشانە گرڎ کەسیچ قەناعەت کەرۊ. بێگومان کۊڵەکېۋە ئەساسی جەنگی تایبەتی لایەنی دەرونی و دېعایېنۍ. دۊڵەتو ترکی چا مژارەنە کەمۍ شارەزان، چونکی سەرو دروا مەرزیانەرە. وەرو ئانەی متاۋۊ فرەو چېوا چەپەوانە کەرۊوە و پێشکەشو گلېرگەیش کەرۊ. دروێۋە جە وەران ۋەرو جەنگو مدرامانو زاپی، ئاڤاشینی، مەتینای و هەرێمەکا پارېزناو مەدیای. جە ساڵەو ٢٠٠٨ینە پاسشا واتەبۍ. دیسان زاپەنە گورزێوە فرە قورسشا دریا ۋنە، جە ماۋېۋە کەمەنە ناچار کریۍ کە گېڵاوە، بێگومان ئیجارە ئاماڎەکاریی فرە ستراتیژی وەران ۋەرو ئێمە، وەران ۋەرو گەریلاکا کورڎسانی و هەپەگەی و یەژاستاری ، کە ٨ سالېن بەبۍ مرڎای و بە گرڎ شېۋېۋە، بە گرڎ جۊرە چەکېۋە، کە گرڎو یاسا میان نەتەوەییەکا و ئەخلاقو جەنگی پاشېل کەرۊ، پا شکڵە مۍ سەرو گەریلای. ڕاسا ئێمە جە دەسدایما هەن، بەڵام گەریلا ٨ ساڵۍ سەرو پەیاوە مەنۊ. ئانە تەنیا پۍ ۋېش سەرکۊتەین. بێگومان ئێمە پانەی ۋېما مەوزمۍ ئاژەو مورتاح بیەیۊ، بەڵام با گرڎ کەسۍ بزانۊ، کە جە تاریخو دۊڵەتو ترکی ئەرەگیرینە چېۋی چانە نییا، کە مدرامان ٨ ساڵۍ وەردەوام بۊ، پېسە ئانەی کە جە وەران وەرو ناتۊینە مدرامانش کەرڎ، سەریچ گنۊنە و ھەڵای درێژە بە کۊشیاو ۋېش بڎۊ. ئانە سەرکۊتەین و مشۊ گەلەکەما ئانەی بزانۊ. یان جە هەر ئاژېوەنە جە و هەران ۋەرو گرڎ تەکنیک و تەکنەلۆژیاو، گرڎو هێزە میان نەتەوەییەکانە گەریلا مدرامان مکەرۊ و ھەڵایچ ئینا مدرامانەنە. دەوڵەتو ترکی دروەکېش بەرکۊتۍ، ئەنجامش بە دەس نارڎ. بێگومان جەنگیچ وەردەواما. زاپیچ پاسەن. زاپ حەر پۍ ۋېش تاریخو زاپیش هەن. وەختۍ ئینسان ماچۊ زاپ، هەڤاڵ فازیل مېوە یاڎش. ئا سەنگەرۍ جەنگی، ئا وەختە ئاماڎەکریېنۍ پۍ ئارۊیچ بەکار مەیا و دەردە وەرا، بە ڕاسی ڕەنج و عەقڵی سەرەکیی وەشکەرڎەو ئا سەنگەرا هینو هەڤاڵ فازیلی بۍ. پی بۊنۊ بە ڕېزۊ یاڎو فەرمانڎەی گۊرەی هەڤاڵ فازیلی مکەروە. بەبۍ دوودڵی ئیمەیچ و گرڎو گەریلاکا کورڎسانیچ سەرو ڕاو هەڤاڵ فازیلی بە ڕۊح و ئیرادەی فیدایی، مدرامان مکەرمۍ. نەک حەر زاپ، بەڵکم گرڎ یاگۍ پۍ ئاڎیشا جە بەینو ئێمە و ئەرەگیرانە بست بە بست مەیڎانو جەنگیا. جە بنەڕەتەنە سیاسەڎمەدارۍ کورڎی، ئانۍ جە دژوو ناهەقی و زوڵمی، جە دژوو فاشیزمی، گرڎ کەسۍ وەڵۍ گرڎیچشاوە گلېرگەکەما و گەلەکەما ۋیرش نەشۊ و ۋیرو ۋێش بارۊشۊ کە ئا گرڎ هێزە، ئەرەگیرە بەرەو کۊ ملۊ، کە حیچ کەسۍ مەواچۊ کە تۊ هەنگامەی غەڵەتەت نیېنە، جارێتەریچ من واتم، ئەسپەکاشاو، شمشێرەکاشا بەبۍ تەرسی جە گرڎ یاگېنە شانارە و هەنگامە منیا.

چ سوریا، چ عێراق، چ لیبیانە کەس مەواچۊ مرڎە، یا ئانە مافو تۊ نییا، تۊ چېشکەری؟ دۊڵەتو تورکیای چی بێدەنگیە هێز ورگېرۊ. حەرپاسە بە پەشتگیری میان نەتەوەیی  پی جۊرە ھورکوۊنە سەرو گەریلای. بە چەکی کیمیاۋیی، بۊمبی ئەتۊمی، تەنانەڎ دوژمنێۋە بۍ پرەنسیپ و بە ئەخلاقا کە ئاېر جە جەنازەکاو ۋېچش وەرمڎۊ. ئەگەر دوژمنێوە وەحشی چینە کە ئاېر وەرمڎۊنە جەنازەو سەروازەکا ۋێش و سۊچنۊشا، ئەگەر جە دەسشەنە بۍ چېش سەرو گەلوو کورڎی و گەریلاکا ئازاڎینە مارۊ؟ مرۊڤەکۍ مشۊ بزانا جە وەران ۋەرو هێزۍ وەحشی چینەینە کۊشیای کریۊ. ئەرەکۊشای وەردەواما. بێگومان گرڎ چېوۍ پا جۊرە مەبۊ کە ئێمە گەرەکما بیەن، ئێمە وەران ۋەرو هێزێوە بۍ ئەخلاقی و بۍ پڕەنسیپینە کە ۋێش عال حازرکەرڎەن ئینایمۍ دلۍ جەنگ و کۊشیاینە. بەڵام نەیاوان ئەنجام، ٨ ساڵېن، خەتەو رابەر ئاپۊی، گەریلاکۍ ئازاڎیی، گەشمەرڎە و فەرمانڎەکېش سەرگنا. ئی هەشت ساڵە ئینەش پۍ ئێمە سەلەمنا. جە یوۋەم ڕۊوە تا ئارۊ جەنگو بەینو ئێمە و ئەرەگیرا تورکیای، جە لاو لایەنێۋە جەنگیۊ وەردەوام دیعایۍ کەرۊ. جە لاو ئێمەیچۊ ئەخلاقو جەنگی ھەن. فەرمانڎەکېما و رێکوستەکەما بە گرڎی بە پاو ئەخلاقی میان نەتەوەیی و پېمانەکا جەنگی جەنگ کەرۊ. پی جۊرە مامەڵە کەرۊ و جەنگ کەرۊ، دیعایېچ کەرۊ. بەڵام دۊڵەتو تورکیای پی جۊرە نییا. دەوڵەتېوە بۍ پرەنسیپا، بۍ ئەخلاقا و پی جۊرە ھورکوۊ سەرما. وەران ۋەرو دۊڵەتۍ چینەینە ئێمە ئینایمۍ جەنگەنە. گرڎ ڕوۋۍ ماچۊ دمایما بە گەریلای ئارڎەن. هەپەگە و یەژاستار ماوۍ چېوەڵتەر گلېرۊبیەی ساڵانەو ۋێشا سازکەرڎ، بە بەشڎاری ژمارەېوە فرە جە فەرمانڎەکا و هەڤاڵا پەیوەنڎیداری، پۍ ماوەو چن ڕوۋېوە گفتوگۊ و بەرنامېۋە فرە دۊڵەمەنڎ و فرەلایەن وزیا وەرو باسی. ئی گلېرۊبیەیە جە ھەمان وەختەنە پېسە جوابۍ بۍ پۍ ئا جەنگەی کە جە وەران ۋەرو گەریلای و گەلەکەیمانە ئەنجام دریۊ. ئاژېۋە فرە نائاسایی و هەستیارا، وەردەوام ئینایمۍ دلۍ جەنگینە، تەمامو فەرمانڎەییما و هەڤاڵاما گلېرۊبیەیۍ چی جۊرەشا کە ئەنجامدان، تەنیا ئا گلېرۊبیەیە ۋێش جە ۋێشەنە سەرکۊتەین، پیرۊزبایی جە هەڤاڵاما کەرو. مزانمۍ گفتوگۊیۍ چڕ و قووڵۍ کریېنۍ. قەرارۍ فرەگرنگۍ تاریخیۍ کوڵۍ و درێژخایەنۍ دریېنۍ. حەرپاسە پلانۍ رۊژانەی، کوڵۍ و درێژخایەنۍ مجیېنێرە. پېسە هێزێۋە، پېسە ھورسەنگنای پراتیکی ساڵێوە نەخشەڕای تازۍ مجیېرە. قەناعەتما چانەن تەمامو فەرمانڎەکاما و گرڎو هەڤاڵا و گەریلاکاما، سەرو بنەماو گفتوگۊی، شرۊڤە و ئەنجامنامە گلېرۊبیەیشا ساز کەرڎ بە ئەزمونو چن ساڵیۊ دەورېۋە عالتەر گېڵنا. بە دڵنیاییوە ساڵێوە فرە دژوارە ۋیەرڎە. گرڎ ڕوۋۍ بە گیانبازی ۋیەرڎ. گەریلاکۍ پەکەکەی، کادرەکۍ پەکەکەی، هەپەگەی و یەژاستاری نەبیېنۍ، بەراسی حیچ مەشگ و ئیراڎەېۋە جە وەران ۋەرو دوژمنێوە پی جۆرە دڕنڎە و وەحشی و پەڕچەک و تەکنەلۊژیاینە، کە گرڎ چېۋۍ بۍ ئەخلاقی و بۍ پرەنسیپی بەکارمارۊ، هەم وېڕاگری کەرۊ و هەمیچ نازۊ جە کۊنسێپت و ستراتیجو وېشانە سەرگنا. وەرو ئانەی گلېرۊبیەی فەرمانڎەیی هەپەگەی جوابۍ تاریخیا. تۊ وینات ۋاتشا مەتاۋا سەرە بەربارا، گرڎ ڕوۋۍ سولەیمان سۊیلو و کەسۍ تەرۍ پی جۊرە دوېنۍ، واچېنۍ ' جە سەنگەرەکاو ۋێشانە مەتاۋا هەناسە بڎا' بەڵام ئانا گرڎو هەڤاڵاما، هەڤاڵا پەیوەنڎیداری و فەرمانڎەکا پېۋەرە کۆبیەیۊشا سازکەرڎ و پۍ ماوەو چن ڕوۋۍ پلانەو ۋېشا ئاماڎېکەرڎە و قەراری پێۋیسشا ھورگېرت. ئێمە سپاسشا کەرمۍ و ھیواو سەرکۊتەیشا پۍ وازمۍ. جە هەمان وەختەنە جوابۍ بۍ پەی درووەکا دۊڵەتو ترکی ئەرەگیری.

درێژەش ھەن

ھ . ش / س.ز