ئێشکگێریی داڎپەروەریی "ئەمینە شەنیاشار"ۍ و "فەرید شەنیاساری" کوڕیش کە پەی کەسوکاریشا، کە لاو پاسەوانا و قەومەکاو پەرلەمانتاروو ئاکەپەی "ئیبراهیم خەلیل یەڵدز"یوە کوشیێبێنۍ،  جە ٩و ئاداروو ٢٠٢١وە جە وەرڎەموو داڎگاو رحاینە دەسشا پەنە کەرڎەن، جە ڕۊو ٧٨٢یەمیننە بەرڎەواما.

"ئەمینە شەنیاشار"ە ئارۊ ئاماوە وەرڎەموو داڎگاو رحای و پلاکاردی "داڎپەروەری پەی بنەیانەو شەنیاشاری"یش بەرز کەرڎۊ و دەسش بە چالاکیی  ئێشکگێریی کەرد. فەرید شەنیاشار بۊنەو ئانەیۊ بەشدارییش جە بانگەشەو ورچنیەینە کەرڎەن جە چالاکییەکەو ئارۊینە ئامادە نەبۍ.

سەرۊکی وەڵینوو شارەوانیی جنێڤی ڕەمی پاگانی، جە پارتوو ئینسۊمیسوو فەڕەنسا ئانجلیکو سچمیدت و ڕۊنامەوان ڕاچاد ئارمانیۊس سەرۍ "ئەمینە شەنیاشار"ێشا دا.

شاندەکە بارەو  کۊکوشییەکەی و کۊشیای داڎپەروەری کە ملۊ ڕاوە، زانیارییشا جە "ئەمینە شەنیاشار"ۍ ور گێرت و واتشا، کە ئادۍ جنێڤنە با بە دەنگوو بنەیانەو شەنیاشاری و پەشتیوانی جە بنەیانەکەی کەرا.

"ئەمینە شەنیاشار"ەیچ سپاسوو شاندەکەیش کەرد و واتش، کە پەشتیوانییەکە هێز پاڎیشا بەخشۊ.

س.ز