شاندوو مافشناسە میاننەتەوەییا دژوو گۆشەگیری، کە دژوو گۆشەگیریی ڕەهاو سەروو ڕابەروو گەلوو کورد عەبدوڵا ئۆجالانی کوێ بیێوە، ئامەدنە بەردەوامێنێ جە سەردایەکاش. شاندەکە لوا سەردای ئۆهەدەی و کۆمەڵەو ژەناو ڕۆسای، دمایی لوێ سەرێ ئێشکگێریی دادپەروەری جە بیناو دەم پارتیینە مەنتێقەو ڕێزانینە، کە پەی ئازادیی ڕابەروو گەلوو کوردی عەبدوڵا ئۆجالانی دەسش پەنە کەردەن.

ئەدێ جە ئێشکگێریی دادپەروەریینە خێرامایشا شاندەکەی کەرد و واتشا کە پەی ورگێرتەی گۆشەگیری سەروو ڕابەروو گەلوو کوردی عەبدوڵا ئۆجالانی چالاکییەکەشا دەس پەنە کەردەن و واتشا: "ئەگەر گۆشەگیری سەروو ڕابەروو گەلوو کوردی عەبدوڵا ئۆجالانی ورنەگێریۆ فشارەکاو سەروو گەلوو کوردی دماییشا نمێ".

هەرپاسە ئەدێ ناڕەزایەتییشا دژوو سی پی تی بەروست، کە ئامێنێ تورکیا و نەلێنێ ئیمراڵی، واتشا پێویسا مافشناسێ میاننەتەوەیێ لاو وێشاوە سی پی تی شەرمەزار کەرا.

دمایی شاندەکە جە نویسگەو ڕاوێژکاریی ناوەندی گردینوو پارتوو هەرێمە دیموکراتیکەکا (دەبەپە)ی چەنی هامسەرۆکی گردینوو دەبەپەی، کەسکین بایندەر و قسەکەرەو مەجلیسوو ژەناو دەبەپەی بێریڤان باخچەچییە و ئەنداماو لوجنەو ڕاوەبەریی ناوەندوو دەبەپەی نارین گەزگۆرە و گوڵان چاگین کالەلییە و محەمەد ئۆنەر کوێ بیێوە.

کەسکین بایندەر خێرامای شاندەکەیش کەرد و واتش ٢٠١٦ ـەوە قەیومەکێ نریێنێرە، دەوڵەت پەرسەو کوردینە پا گێرۆرە سەروو جەنگی و واتش: "پەوکای هیچ زانیاریێوە بارەو بەڕێز ئۆجالایوە نییا. ٣ ساڵێن ئینا گۆشەگیریینە. ناوەندوو گردوو کێشەکا ئیمراڵیین".

دمایی ئەنداماو شاندەکەی واتشا، کە سیاسەت تورکیانە ئینا چێروو فشارینە و داواشا کەردە، پەرسەو کوردی چارەسەرە کریۆ.

سەردای ئارۆ شاندەکەی دماییش ئاما