٦ەمین ساڵیادوو ئەرەگیرکەردەی عەفرینی لاو دەوڵەتی ئەرەگیرکەروو تورکی و چەتەکاشوە، مەجلیسو کانتۆنو عەفرینی و شەهباینە بە بەشداریی هەزارا کۆچبەرا و ئەرەنیشتاو شەهبای ڕاپیمایشا ڕێک وست.

دلێشنە ڕسموو گەشمەردا و قوربانییاو کۆکوشییەکاو دەوڵەتی ئەرەگیرکەروو تورکی بەرزێ کریێوە.

وەردەموو باخچەو ڕابەرو گەلو کوردی عەبدوڵا ئۆجالانینە ڕاپیمایەکەی فاڕیا پەی کۆبییەیۆ.  

ئەندامەو مەجلیسو بنەیانەو گەشمەرداو کانتۆنو عەفرینی و شەهبای، خەدیجە عەبۆ واتش: "دەوڵەتوو تورکی هەوڵێ مدۆ ئیمپراتۆریەتو عوسمانیی زیندە بکەرۆوە و میساقی میللیی بیاونۆ یاگێ."

خەدیجە واتش بەردەوامیی مدرامانی ٦ ساڵەو کۆچبەراو عەفرینی شەهبانە، ڕزگاری عەفرینی مسۆگەر مکەرۆ. بانگەوازو قەوەتکەردەیی کۆشیایش کەرد.  

هامسەرۆکو مەجلیسو مەنتێقەو ئەحداسی، فەوزی مستەفا ئەرەیاوناش هێزە میاننەتەوەییەکێ وەرپەرسێنێ جە تاوانەکا و واتش: "دەوڵەتی ئەرەگیرکەرو تورکی وەرەچەموو جیهانی و ئەنجوومەنوو ئاسایشینە تاوانێ مکەرۆ".

فەوزی مستەفا ئەرەیاوناش درێژە بە مدرامانی مدا تا ڕزگاریی عەفرینی و تەماموو خاکوو سوریای.