ڕۆشنویراو ڕەقەی پیلانگێڵنیی میاننەتەوەییشا شەرمەزار کەرد
ڕۆشنویراو ڕەقەی پیلانگێڵنیی میاننەتەوەیی سەروو ڕابەروو گەلوو کوردی عەبدوڵا ئۆجالانیشا شەرمەزار کەرد و جەختشا کەردۆ سەروو وەڵاکەردەیۆ ئایدیاکاش، کە لەرزنەرێ عەرشوو دەوڵەتە وێسەپنەکانێ.
ڕۆشنویر حەسەن مستەفا چی بارۆ پەی ئاژانسوو هەواڵوو فورات (ANF)ی دوا، واتش: "١٥ شوباتی ڕوێ سیاوا تارێخەنە. دەوڵەتە کۆڵۆنیاڵیستی و سیستمە دیکتاتۆرییەکێ پیلانەکێشا وەراوەروو ڕابەر عەبدوڵا ئۆجالانی گێڵنا".
هەرپاسە واتش: "هەڵای سەرەڕاو ویەردەی ئی گردوو ساڵا، وەڵاتاو جیهانی بێدەنگێنێ، گردوو یاساکاو وێشا پەشتگۆش وزا. چێگەوە دەوروو ڕۆشنویرا مێ وەڵیوە پەی ئاشکراکەردەی پیلانگێڵنی و ڕەهەند و ئامانجەکاو پیلانگێڵنییەکەی. فیکروو ڕابەری تایبەت نییا بە نەتەوێوە، بەڵکوم ڕابەریی گەلە کۆشەرا و وازیارا ئازادی و شکۆمەندیین. ئازادیی ڕابەری، ئازادیی گردوو گەلان".
هەرپاسە داواش کەردە دۆخوو تەندروسیی ڕابەروو گەلوو کوردی عەبدوڵا ئۆجالانی ئاشکرا کریۆ، ئەرەیاوناش هەرمانەکاو دەوڵەتی ئەگیروو تورکی وەراوەروو ڕابەروو گەلوو کوردی عەبدوڵا ئۆجالانیوە درێژەداین بە پیلانگێڵنیی میاننەتەوەیی و ڕاگێرتەین جە ئایدیاکاش، کە بیێنێ بایسوو لەرزنای عەرشوو ستەمکاری.
لاو وێشۆ ، شەواخ عەلی واتش ئڕفانای ڕابەروو گەلوو کوردی عەبدوڵا ئۆجالانی دوورا جە گرد یاساێوە ئینسانیەتیوە و واتش: "گەرەکشا نیا پەرسەو ڕابەری جە ڕووەو یاساییوە باس کەرا، لایەنەکا پێسەو دادگای میاندەوڵەتی و دادگاو تاوانی میاندەوڵەتی چی بابەتەیە ورمەیا. چی جە دەوڵەتی ئەرەگیرکەروو تورکی مەپەرساو؟ ئەردۆگان تاوانباروو جەنگین و پێویسا وەنەپەرسایۆش وەنە کریۆ".
شەواخ واتش ئامانج جە گۆشەگیری پەکوستەی ئا ئەزموونە دیموکراتیکیە و ئیدارەو وێڕاوەبەری و پێوەژیوای گەلان کە سەروو فیکروو ڕابەروو گەلوو کوردی عەبدوڵا ئۆجالانی ئەرەمەرزیان، جەختش کەردۆ، مشۆم فیکروو ڕابەروو گەلوو کوردی عەبدوڵا ئۆجالانی وەڵا کریۆوە و وەنەپەرسایوە جە دەوڵەتی ئەرەگیرکەروو تورکی کریۆ وەراوەروو تاوانە دژەئینسانییەتییەکاش.
