ناۋەنڎو یاۋنەری و چاپەمەنی یەپەژەی ئەرەیاۋناش، جە ئاکامو ھجومېوە دۊڵەتو ترکی ئەرەگیرینە جە ١١ و ئایارینە کە جە ڕاو فڕۊکەی بێفرۊکەوانی ھجومکەریۊ ئەنجامدریا، شەڕڤانێوەشا بە نامۍ "جودی عەگید"ۍ (توگبا کاراکۊچ)ۍ گەشمەرڎۍ بیە.
ناۋەنڎو یاۋنەری و چاپەمەنی یەکینەکا پارېزناو ژەنا (یەپەژە)ی ئەرەیاۋناش کە شەڕڤانێوەشا بە نامۍ توگبا کاراکۊچۍ گەشمەرڎۍ بیېنە.
جە ئەرەیاۋناکەنە ئامان: " ھامڕېما توگبا کاراکۊچە ئشناسیا بە "جودی عەگید"ە ساڵەو ١٩٩٥ دلۍ خانەواڎېوە ۋڵاڎپارێزینە جە ئامەڎ جە ئەڎۍ بیېنە. دوۋۍ برېش ۋەڵتەر بەشڎاریشا جە ریزەکا جمیەرو ئازاڎیی کورڎسانینە کەرڎەبۍ، ئانەیچ تەئسیرۍ فرەش سەرو ھامڕېما نیارە و ساڵەو ٢٠١٣ی روۋەش کەرڎە کەشەکا کورڎسانی و دمابەدماو دەسپنەکەرڎەو ھجومو چەتەکا داعشی لوۋا پۍ ۋەرنیشتوو کورڎسانی و جە ریزەکا یەپەژەینە درێژەش بە ئەرەکۊشای دا".
ئاماژەش پانەی کەرڎ: " ڕۊو ١١و ئایاری ھامڕېما "جودی عەگید"ە جە ئاکامو ھجومو فڕۊکۍ بێفرۊکەوانی دۊڵەتو تورکی ئەرەگیرینە گەسمەرڎۍ بیە. دۊڵەتو تورکی ئەرەگیری بە ئامانجو پاکتاوکەرڎەی ۋەڵېوەبیا ئاخېزو ژەنا جە ۋەرنیشت ھجومی نا مرۊڤانەی چی جۊریە ئەنجام مڎۊ.
جە دمادماینە ئەرەیاۋنانش: "ئا وەعدەی بە گەشمەرڎاما دان، بە مسۊگەر کەرڎەی ئاینڎەی ئازاڎیی مەعنای راسەقینەش وەرەرە کریۊ. سەرەوەشی جە خانەواڎەی ۋڵاڎپارێزو کاراکۊچۍ و گرڎو گەلە شکۊمەنڎەکەیما کەرمۍ کە خۊتانکەرڎەی جە ئازاڎیی کەرا. تۊڵەئەسای جابەجېکەرڎەو وەعدەکەیمانە.
ئشناسنامەو ھامڕېما کە گەشمەرڎۍ بیېنە پی جۊرەنە:
ناسنامۍ: "جودی عەگید"ە
نامۍ و دمانامۍ: "توگبا کاراکۊچ"ە
نامۍ ئەڎۍ: موزەیەنە
نامۍ تاتەی: محەمەد سادق
شۊنەو جە ئەڎابیەی: ١٩٩٥/ ئامەد
وەخت و شۊنەو گەشمەرڎەبیەی: ١١.٠٥.٢٠٢٣/ چەلەبیە".
هـ . ش
