یووە چا یەرە ژەنە شۆڕشگێڵنا ١٢ ساڵۍ چێوەڵی جە ئاکامو هرووژمو دۆڵەتو تورکینە جە پاریس تیرۆرۍ کریۍ، سەکینە جانسزە جە قەبرسانو ئاسرینە جە دێرسیم سەرو قەبرەکێشۆ یاڎشکریاوە.

ئەنداماو کمېیەرو ژەنا ئازادی (تەژەئا)، واتەواچەو ئەنجومەنو ژەنا پارتو هەرێمە دیموکراتیکەکا (دەبەپە)ی بێریڤان باخچەلیە، پەرلەمانتاراو پارتو دیموکراسی و یەکسانی گەلا (دەم پارتی) ئایتەن کۆردووە و گوڵجان کاچماز ساییگیتە، ڕاوەبەرا شار و ناوچەکایچ دلێشەنە چنین کەسۍ بەشدارۍ بێنۍ.

ژەنی ۋەردەمو قەبرسانینە کوۍ بیێوە و بە چەپکە ولیوە بەرەو سەرو قەبرەو سەکینە جانسزۍ ڕاپیمایشا کەرڎ.

یاڎکەردەیۊکەی بە دەیەقێوە بێدەنگی دەسشپنەکەرڎ و ئەڎاو ئاشتی مریەم توما قسێش کەردۍ و جە کەسایەتی سەکینە جانسزێنە یاڎو گرڎو گەشمەرڎا ئەوەکۊشای ئازادیش بەرزڕاگێرت.

مریەم تۆما واتش، "ئێمە گەرەکما نیا ژەنی کوشیا. گەرەکما نیا ئەڎاکۍ گرەوا. داواو ئاشتی و ئازادی مکەرمۍ".

یاڎکەردەیۊکەی کە هامکات بۍ چنی ١٢هەمین ساڵیاڎو گەشمەرڎەبیەو گیانبەخشایا کۆمکوژی پاریسی ئەنجامدریا، بە نیایرەو تاجەولینە و گیسناینە مۆمۍ سەرو قەبرەو سەکینە جانسزێوە دمایش پنە ئاما.