ڕۆنامەنوویس سلێمان ئەحمەڎ کە جە لایەن و پەدەکەیۆ بڕفانیان و ماوەو ٤٠ ڕووان حیچ زانیاریېوەش جە بارۆ نییا. نیگەرانییەکۍ سەروو ژیۋای سلێمان ئەحمەڎی تامەیا زیاتەرۍ با.
ڕۆنامەنوویسوو بەشوو عەرەبی ئاژانسوو ڕۆژنیوزی، سلێمان ئەحمەڎ، ماوەو ٤٠ ڕووان جە لایەنوو پەدەکەیۆ گیریان، بەڵام تا ئیسە حیچ زانیاریېوە سەروو ئاژەیش وەڵا مەکریۆوە.
پی مەڵامەتۆ نیگەرانییەکۍ سەبارەڎ بە ژیۋای سلێمان ئەحمەڎیی زیاتەرۍ با. تەنانەت پەدەکە ڕا بە پارێزنەر و بنەیانەکەیش مەڎۆ چەمشا پنەش گنۆ. ڕۆژنیوز ئەرەیاۋناش، پەدەکە ۋەرپەرسا جە سڵامەتی و ژیۋای سلێمان ئەحمەڎی ڕۆنامەنوویسیشا.
ڕۊو ١و تشرینوو یوۋەم و ٢٠٢٣، ڕۆنامەنوویس سلێمان ئەحمەڎ بە شێوېوە یاسایی جە پانیشتۆ ملۆ پۍ ۋەرنیشتوو کوردسانی و سەردای بنەیانەکەیش کەرۆ جە کۊڵانەو شێخ مەقسوودوو شاروو حەلەبی، بەڵام دماتەر جە ڕۊو ٢٥و تشرینوو یوۋەم و ٢٠٢٣، وەختۍ گەرەکش بیەن جە ڕاو دەروازەو سنووری پیش خابوور (سێماڵکا)یوە گېڵۆوە پۍ پانیشتوو کوردسانی پۍ ئەنجامدای هەرمانەکاش، جە لایەنوو هێزەکاو پەدەکەیۆ بڕفانیان. چا وەختۆ تا ئیسە حیچ زانیاریېوە جە لایەن و نامبریایۆ وەڵا نەبیەنۆ.
