سەرچەتېوە داعشی بە نامۍ حاجی عەلی-ۊ کوشیا
ئەرەیاۋیا کە سەرچەتېۋە داعشی بەنامۍ عەبدولهادی مەحمود ئەلحاجی عەلی کوشیان.
فەرمانڎەیی ناۋەنڎی ئەمریکا (سێنتکۊم)ی ئەرەیاۋناش؛ کە جە سەرنیشتوو سوریای یۊ جە سەرچەتەکا داعشی عەبدولهادی مەحمود ئەلحاجی عەلی کوشیان.
سێنتکۊم سەرو هەژماری تایبەت و ۋێشۊ جە تۊڕە کۊمەڵایەتییەکانە ۋەڵاش کەرڎۊ: کە ڕۊو ١٧و نیسانی جە سەرسەعبەنە هێزەکۍ سەر بە ناۋەنڎی ئەمریکای ڕاۋەبەر و پلانمجەرەو ئۊپەراسیۊنەکا داعشی عەبدولهادی مەحمود ئەلحاجی عەلییان-یشا کوشتەن، کە ۋەرپرسیاری چنڎین ھجومۍ تیرۊریستیێش جە ۋەرکەوتو دلېڕاسە و ئۊروپای ئەستۊنە بیێنۍ.
ئەرەیاۋیا کە ئۊپەراسیۊنەکە جە لایەن و هێزەکا ئەمریکایۊ بە هەلیکۊپتەر ئەنجامدریان، ئانەیچ وزیان ڕوۋە کە ئا ھجومە "دماو ھورسەنگناو زانیاریە هەواڵگریەکا پەیوەس بە پیلانەکا داعشی پۍ ئەڕفاناو ۋەرپەرسا ۋڵاتا بیانی" ئەنجام دریان.
هـ . ش
