ئاژانسو ئیرنای ڕەسمی دۊڵەتی ئەرەیاۋناش، ئیبراهیم رەئیسی جە لایەنو بەشار ئەسەدو سەرۊکو سوریایۊ خوڵقەکریان پۍ دیمەشقی و قەرارا دوۋۍ ڕوۋۍ چا مەنۊوە.

"حسێن ئەکبەر" باڵیۊزو ئێرانی جە سوریا ۋاتش، " سەرداکەی پۍ فاڕیای و وەڵېکەوتەو هەرێمەکەی فرە گرنگا."

ئەکبەری ئەرەیاۋناش، سەرداکەی نەک تەنیا پۍ تارانی و دیمەشقی بەڵکم پۍ ۋڵاتا تەرو مەنتیقەکەیچ سوودش بۊ.

سەردای رەئیسی ئینا وەختېنە کە پەیۋەنڎیەکۍ بەینو ئێرانی و سعودیەیچ ئاسایۍ باوە. سعودیە کە جە ساڵەو ٢٠١١یۊ پەیوەنڎییە دیپلۊماسییەکېش چنی سوریای مرڎنېنۍ، دەسش بە ئاساییکەرڎەیۊ پەیوەنڎییەکاش کەرڎەنۊ.

بەشار ئەسەد جە ئایارو ٢٠٢٢ێنە، دماو دەسپنەکەرڎەو جەنگو دلېینەی جە سوریا، دوۋەمین سەردای ۋێش پۍ تارانی ئەنجام دابۍ.

دماین جار مەحموڎ ئەحمەڎی نەژاڎ سەرۊککۊمارو ئا وەختەو ئێرانی جە ساڵەو ٢٠١٠ینە سەردای سوریایش کەرڎەبۍ.

ھ.ش