سەروازاو تورکی دەگێوە شڕنەخیشا تەوقە دێنە
هیزیوە سەروازاو سوپاو تورکی دەگاو هەسپستوو سەر بە هەزەخوو شرنەخیشا تەوقە دێنە، میانەو ورکوایسەروو یانانە گەڕەکەو ئاتاکەنتینە نەسرەدین کایا گیریا.
سوپاو تورکی هیزی نمەڕۆوە دەوروبەروو دەگاو هەسپستێ و مەنتێقەو هەزەخوو شڕنەخینە دەسش بە هجوومی کەرد و تا ئیساتێچ هجوومەکێ بەرڎەوامێنێ.
سەروازێ چوارڎەوروو دەگێکێشا دان و لوێنێ دلێوە و ئامایجبەرشا دەگێکێنە قەدەغە کەرڎەن. پا بۆنەیچۆ دەگانشینێ وەرڎەموو دەگێکێنە ماتڵێنێ و نمەتاوا بلاوە دلێ یانەکاشا. هاموەخت سەوازێ ورشا کوان سەروو چند یانێوە و کەوتێنێ گێڵای و وشکنای.
تەوقەدای دەگێکێ تا وێرەگا بەرڎەوام بی، دماتەر سەروازەکێ دەگێکێشا جیا ئاستە و دەوروبەروو دەگێکێنە بنێشا وستە.
نیمەشەونە دەنگوو تەقەی ژنەویا و جارێوە تەر سەروازەکێ لوێوە دلێ دەگێکێ. بە درێژایی شەوەکێ سەروازێ دلێ یانەکانە بێنێ و سەرسەعب دەگێکێنە کێشیێوە.
لێوە تەرۆ گەڕەکەو ئاتاکەنتوو هەزەخینە سەرسەعبوو ئارۆی میانەو وشکنای یانانە نەسرەدین کایا دەسبەسەر کریا.
