گەلوو کوردی بە سەرمەشقایەتیی پەکەکەی نیسانەش دان کە سەد سالوو دماتەری چارەنویسشا پەی دادپەروەری پەی حیچ کەسیوە جیا نمازا، پەی ئینەیچە چێش پیویس بۊ کەراش، ڕۊشنا کە سەڎەو ویسوو یەکی ئازاڎی بە داواو پەکەکەی پەیڎا بۊ.
دەوڵەتوو تورکی کە زیاتەر جە، ٤٠ ساڵان بەردەوام جەنگەنە دۊڕیان دەسبەرداروو پاگیرتەیرەی وێش سەروو ئەرەگیری و کۊکوشی نمەبۊ، بەتایبەتی ٩ ساڵی ویەردەنە ئاستوو هجوومە ئەرەگیرکاریەەکاس بەرزۍ کەرڎێنێوە ، فرەو جارا تاوانی دژەئینسانیۍ کەرۊ، وەلی نەتاوانش کۊشیای ئازاڎی بە سەرمەشقایەتیی پەکەکەی دلێنە بەرۊ بەپێچەوانەو ئی ئامانجیوە بەردەوام مەڕیان پەکەکە بە دنیێش، کە چەنی ئیرادە و کەرامەتوو ئینسانەکا مژیوۊ و نوێنەرایەتییشا کەرۊ. بەتایبەتی ئا کۊشیایۍ کە چی سالاو دمایینە گەریلایەکا نیشانە دان، ئا داستانە قارەمانیۍ کە خولقنێنێشا، هومێدوو ئازاڎییشا نیشانە دان.
١٠ شوباتوو ٢٠٢١، دەوڵەتوو تورکی هەمان هەرمانەکاو دەولەتە یۊگێرتەکاو ئەمریکای کەرۊ، جە ڕاو ئۊپراسیۊنەکاو دلێوە جەنگی فاڕۊوە پەی قۊناغیوە تازەی ئەردۊغان بە میتۊدێوە کۊن و دماکەوتە گەرەکش بۍ سژوو پەکەکەی ئەنجام دەس وزۊ، ئی هجوومێشە بە پەشتیوانیی ئەمریکای دەس پەنە کەرڎێبێنۍ بە مدرامانوو شۊڕشگێڵنا (فەرماندەیی داستانوو گارێ، شۊڕشوو بەیتوش شەباب)ی کەوت و مەڕیا. گەریلا بە گرد لاێوەش نیشانە دا، کە ڕژێمی ئەرەگیرکەری فاشستی تورک کەوت و شکسش ئارد. گەریلێكۍ نیشانەو گرد لاێشا دا کە ڕژێمی ئەرەگیرکەروو فاشیستوو تورکی کە بییەن بەڵاو سەروو کوردستانی و وەرکەوتوو دلیراسەی چیولای نمەتاوۊ پاسە کە گەرەکشا جووڵیۊوە، ئەردۊغان نە یاڤوز سوڵتانا، نە دەوڵەتی تورک ئەرەگیرکەروو عوسمانیین، نە کوردیچ کوردی وەڵینا.
ئەردۊغان کە ئەنجاموو هجوومەکەو گارێنە مەڕیا، هجوومی ئەرەگیرییش دژوو زاپ و مەتینا و ئاڤاشینی دەس پەنە کەرد، بە قسۍ گەریلاکا "سوپاو تورکیا ئامینە وەروو پایاو گەریلای، بۍ باجی قورس مەگێڵۊوە" و دەسسا بە پڕۊسێوە گەورەو جەنگی کەرد.
چی پڕۊسەنە سوپاو تورکی بە بەکارئاردەی چەکی کیمیایی و تەکتیکیی گەرمی و ئەتۊمی بە تاوانوو جەنگی گەرەکش بۍ ئەنجامش بۊ. بە وستەیڕووەو بارودۊخی ژیۊپۊلەتیکی و ژیۊستراتیژیکی تورکیا، پەشتیوانیی زلهێزە ئیمپریالیستەکاش ورگێرت، وەلی سەرەڕاو ئینەیچەو تورکیا کەوت تەرسۍ گەورێوە، ستاتیجش بەپاو بەراوردەکاش زاپنە گیرۊدە بی، ئا هجوومی کە نامێشا نیێبێنی 'پەنجۍ قفڵ'ی، دژوو وێسا کەوتێوە و دەسوەڵیوستەی پرۊسەکەی کەوت دەسوو گەریلای.
دەسسا بە پڕۊسیوە چانەیە کەرد ١٠٠ ساڵەو پەیمانەو لۊزانی، هاوسەنگیی تازەش گردوو وەرکەوتوو دلێڕاسەینە ئاما وەر، کە گەلوو کوردی بە سەرۊکایەتیی پەکەکەی نیشانەش دان، حەرچییش گەرەک بۊ کەرۊش وەلۍ چارەنویسش پەی حیچ کەسێوە نمازۊ جیا، هەرێمەنە پلانیوە هەنە بەبۍ پەکەکەی شکس مارۊ. چونکوم زەمینەو ژیوای دیموکراتیکی چوارچوەو پارادایموو سەرۊک ئاپۊینە پێشکەشوو گەلی کریان، بی بە تاقە یاگەداروو ئی سەڎەیە و ڕژێمەکاو بەروو ئینەیە ئیتر لاو گەلوو کوردی و گەلاو وەرکەوتوو دلێڕاسەیۊ قبووڵ نمەکریۊ قەیرانۍ و جەنگەکۍ خاستەرین نموونەنێ.
گەلێوە کە سەرمەشقی چانەش هەن، ئەگەر ڕابەر ئاپۊ بە موخاتەب نەگیریۊ، وێس چارەنویسوو وێش دیاری کەرۊ، ئانۍ کە گەرەکشانە جارەنویسێوە هامبەشنە بژیوا مشۊم ئیساتۍ دۊخیشا ورسەنگنا. دەوڵەتوو تورکی مشۊم بزانۊ کە پلانەکاو کۊکوشی شکسشا ئاردەن، ئەگەر پا سەروو ئینەیە گێرۊرە مەنەیوە دەوڵەتیچ وزۊ تەرسیوە. قەراردای سەروو ئانەیە کە ئایا دۊخەکە بۊ بایسوو ئینەی یان نا، ئەگەر حەقیقەت دلێنە نەشۊ، ڕابەروو ئا نەتوە گەردووننیە قبووڵ نەکەرۊ، دەولەت و گەلوو تورکیایچ زەرەر کەرانۍ سەڎەو ویسوو یەکی ئازاڎیی بە داواو پەکەکەی بنیات منیۊ.
