حوکومەتوو عێراقی حەوڵێ مدۆ دەوروبەروو کەمپوو پەنابەراو مەخمووری تەلبەند کەرۆ و دەورشا بدۆ. بە دەیان سەیارێ زرەپۆشێ دەوروو کەمپەکەیشا دان و گەرەکشانە کەمپەکەی گەمارۆ بدا.

خەڵکوو مەخمووری ڤە سەرسەعبۆ دژوو حەوڵدای گەمارۆی و تەلبەندکەردەی کەمپەکەی وەراوەروو هێزە عێراقییەکاوە ئینێ چالاکینە و ڕا مەدا هێزەکاو عێراقی بلا دلێ کەمپەکەی.

کەمێک چێوەڵتەر هێزەکاو عێراقی وەختێ زاناشا خەڵک مەگێكۆوە دما، بە چەک هجوومشا کەرد. خەڵک بە تەوەنی و دروشمێ جوابوو هێزە عێراقییەکاشا داوە و ناچارێشا کەردێ کێشیاوە، چا یاگێ بەیانیوە ئامێبێنێشنە.

س.ز