حکومەتو عێراقی دەسش بە حۊلەکاش پۍ گەمارۊدای کامپو پەناھەنڎا مەخموری کەرڎ و پۍ ئانەیچ گەرەکشا دۊرروبەرو کامپەکەی بە تەلی دڕەیین گېرۊ. دەیان ترۊمبېلۍ زرێپۊشۍ، خاڵەو وشکنای و دەروازەو کامپەکەیشا گېرتەن و گەرەکشانە بلا دلۍ کامپەکەی و بە تەلی دڕەیین دۊرووبەرو کامپەکەی گەمارۊ بڎا.

حکومەتو عێراقی دەیان ترۊمبېلۍ سەروازیېش بە چەک و شۊفڵ و حەفارە و تەلی دڕەیین دۊروبەرو کامپەکەیرە ۋەڵاوکەرڎېنۍ و گەرەکشا دۊروبەرو کامپەکەی بە تەلی دڕەیین گەمارۊ بڎۊ.

خەڵکو کەمپەکەی دەسە دەسە ڕووە و خاڵەو ۋشکنای کەمپەکەی ملا و دژوو ئا حۊلەو عێراقی مرڎېنېوە.

ئانە جە وەختېنە کە سوپاو عێراقی جە ۲۷و کانوونو یوۋەمو ۲۰۲۱ ینە حۊلش دابۍ کامپو مەخموری بە تەلی دڕەیین گەمارۊ بڎۊ، بەڵام بەمەڵامەتو مدرامانو خەڵکو مەخموریوە ناچار بە کیشیایۊ کریۍ و دەسشا چنە ھۊرگېرت.

ھ . ش