سوپاو دەوڵەتوو تورکی ئەرەگیری جە دامێنوو کەش و باگۆکینە بە هەزاران سەروازێوە دەسش بە ئۆپراسیۆنی کەردەن. ژمارێوە فرە ترۊمبێلۍ زرێپۆشۍ پۍ مەنتیقەکەی فاڕیێنێوە و جە چنڎین مەنتیقێنە سەنگەرۍ دریێنۍ ۋنە.

سەرسەعبیچ هەلیکۆپتەرۍ ئاسمانوو مەنتیقەکەیرە سوڕیێنۍ. ئا شوانۍ کە سەرحاڵۍ لەوەڕناو ئاژەڵەکاشا بێنۍ مەنتیقەکەنە ڕاگیریشا ۋنە کریا و گێڵنێشاوە پۍ یانەکاشا. بە هاموڵاتیایچ وچیان کە یانەکاشانە نە زیارە.

قولەپۆپە و کەش و باگۆکیچ چنڎین جارۍ بە فڕۆکەی جەنگی بۆردومان کریا.

حەرپاسە ئەرەیاۋییا کە جە لاو میدیادیوە ژمارێوە فرە جاشۍ و سەروازۍ فاڕیێنێوە پۍ مەنتیقەکەی.