ئەنداماو ڕێکوزیا مەدەنییەکا و پارتە سیاسییەکا و کۊمیتەو پەروەردە و فێرکەردەی ئامادۍ سیمینارەکەی بێنۍ، دلێشنە ڕاوەبەرە جە مەجلیسوو پارتوو سوریاو ئایندەی فاتمە تەرافە قسێش کەردۍ، ئی ڕووەدایەشە پێسە نمووێوە وست ڕووە پەی پیلانگێڵنیی هێزە سەرمایەدارەکا دژوو ئیرادەو گەلا و شۊڕشگێڵنا، پەی یاوای بە ئامانجەکاشا.

فاتمە واتش: "پیلانگێڵنییەکۍ قووڵە و ڕێکوزیۍ بۍ، گردوو جیهانی دژوو ڕابەر عەبدوڵا ئۊجالانی مرداوە، ئینە لۊژیکوو سەردەمی و لۊژیکوو دۊسوو دوژمنی بۍ، چی خاڵێنە هەست و باوەڕەکۍ پووکیێنێوە، ئانا ڕابەر عەبدوڵا ئۊجالان ماچۊ "گەمەو ڕۊمانی پەی سەدەو ویسەمی ئامادە کریا، یانۍ بەخشای قوربانیی بە شێری جە مەیدانوو گەمەکەینە، ئینەیچ نمایشوو تندوتیژیێوە کۊرانەین، تەمام دژ مێوە چەنی ئامانجەکاو پارتوو کرێکاراو کوردستانی (پەکەکە)"ی.

لاو وێشۊ، محەمەد فەرحان واتش: "دەوڵەتوو تورکی تیۊرەکەش سەروو بناغەو ئەزموونەکاو وەڵۍ متەنرە سەرکوتکەردەی شۊڕشی و سەرەوردایەکاو کوردی ماوەو هەشتا ساڵی وەڵینینە، کە ژمارەشا یاوۊ زیاتەر جە ٢٨ شۊڕشا، حەر چەنی گێرتەی یا کوشتەی سەرکردەکا دەوڵەتوو تورکی تاوێنۍ سەرەوردایەکا دمایی پەنە بارا و قۊرتەکا سڕاوە، وەلۍ دماتەر پەیشا بەرکەوت ڕابەر عەبدوڵا ئۊجالان جیاوازا".

هەرپاسە واتش: "ڕابەر عەبدوڵا ئۊجالان دماییش نامان، بەپێچەوانەوە، ئارۊ تورکەکۍ و جیهان یاوێنۍ پا باوەڕەی پەرسەو کوردی بەبۍ عەبدوڵا ئۊجالانی چارەسەر نمەبۊ، ڕابەر دلۍ زیندانینە چندین بەرگێش نویستۍ دەربارەو پەرسەو کوردی و قەیران و کێشەکاو وەرکەوتوو دلێڕاسەی و چارەسەرەکا و پەیوەندیی بەینوو گەلا، پینەیچە فیکروو ڕابەری بی بە چراوەو گەلا".

فەرحان ئاخرۊ قسۍ ڕابەریش ئاردۊ و واتش: "ڕابەر عەبدوڵا ئۊجالان واتش "من هەرگیز هەوڵێم نەدێنۍ دەوروو پاڵەوانی گێڵنوو، وەلۍ حەرگیز خیانەتم جە لایەنێوە وێم نەکەردەن، هەمیشە ئا ڕۊڵە بییەنا کە خیانەت جە وەڵاتەکەیش مەکەرۊ".