ئەندامو ڕێکوزیاو CPTـی ئەمریکی کامەران عوسمان، جە بارەو بۆردوومانە چڕەکا دۊڵەتو ئەرەگیرو تورکیوە چی دووە ڕووەنە پەی سەرو بنارو قەندیلی و سنوورو پشدەری، جە پەڕەی تایبەتی ۋێشەنە جە پەلیانەو کۆمەڵایەتی فەیسبووکینە، زانیاری وردش وست ڕووە.

ئا ئەندامە ئاشکراش کەرڎەن، سوپاو تورکیای جە سەرسەعبو هېزیۆ ٧ جارۍ بە فڕۆکەی جەنگی بۊمبوارانو دەگایەکا سنوورو ناوچەو پشدەری و بنارو قەندیلیش کەرڎەن. بۆردوومانەکۍ زەرەری گیانیشا نەبیەن تەنیا زەرەر ۋەرو ژیۋگەی و دارسانو ناوچەکەی کۊتەن.

وردەکاری بۊمبوارانەکەی پی جۊرە وزیان ڕووە:

هېزی سەعات ٥:٤٠ دەیەقۍ سەرسەعبی، فڕۆکە جەنگییەکۍ تورکیای بۊمبوارانو دەگایەکا ئێندزە، بێپاڵان، کۆمتان و کورتەکیش کەرڎ جە بنارو قەندیلی و وەڵۍ نیمەڕۊو ئارۊیچ، سەعات ١٠:٣٥ دەیەقۍ، فڕۆکە جەنگییەکۍ تورکیای بۊمبوارانو هەر یۆ جە دەگایەکا ئەبوبەکرە و قەڵاتووکانیشا کەرڎەن جە سنوورو ناوچەو پشدەری.

ئاماژەش پانەیچ دان، ماوەو دووۍ ڕووان، فڕۆکە جەنگییەکۍ تورکیای بە نزمی سەرو ناوچەو پشدەری و ئیدارەو ڕاپەڕینیرە خولیاوە، حیچ هاموڵاتیێوە مەدەنی نەبیەن بە قوربانی بۊمبوارنەکا دووە ڕۊی ۋېیەردەی، بەڵام زەرەر بەر ژیۋگە و دارسانەکا ناوچەکەی کۊتەن.