دادگێوە ئێرانی سزاو زیندانیکەرڎەیش سەپنا سەروو ڕۊنامەنویس سارا مەعسومیێرە. مەعسومی ئەوەکۊڵیایش کەرد دەربارەو مەرگوو ئارمیتا گیراوندێرە کە مانگەو خەزەڵوەری ویەرڎەینە کوشیا.
بە پاو میدیاکاو ئێرانی و پارێزنەر عەلی موقتەحدزادەی، ئا قەرارە کە سەروو ڕۊنامەنویس سارا مەعسومێیرە دریان پێوەسا بە وەڵاکەرڎەیوە ئەنتەرنێتیوە، کە دەربارەو ئارمیتا گیراوەندۍ وانیارەو ئامادەیی ١٧ ساڵێرە وەڵا کریانۊ.
میدیاکاو ئێرانی واتەنشا، کە سارا مەعسومییە سەبارەت بە سەبەبوو مەرڎەی ئەرمیتا گیراوەندۍ کۊڵیایوەش کەرڎەن.
ڕۊنامەو شەرقی وەڵاش کەرڎۊ: "بە تۊمەتوو وەڵاکەرڎەیوە زانیاریی ناڕاسی سزاو ٦ مانگا زیندانی و ٢ ساڵا دوورکەوتەیوە جە هەرمانۍ ڕۊنامەنویسیۍ سەروو مەعسومیێرە سەپییان".
ئارمیتا گیراوندە خەڵکوو شاروو کرمانشاو وەرکەوتوو کوردسانینە، ١ تشرینوو یوەمینە بە بەهانۍ ئانەیوە، کە سەرەشخاس نەپۊژنانرە پۊلیسوو ئەرشەدی گێرتە و تن تندۍ ئەشکەنجەشا دا.
ئارمیتا ئەنجاموو ئا ئەشکەنجەیەنر کەوتە دلۍ کۊمایوە. دماو ٢٨ ڕوا، بەرەبەیانوو ٢٨ تشرینوو یوەمی، خەسەخانەو تارانینە، کە چارەسەر ورگێرۍ کۊچی دمایینش کەرد.
