گەریلاکاو هەپەگە-یەژاستاری سەبارەڎ بە پیلانگێڵنیی میان دەوڵەتی ١٥و شوباتوو ١٩٩٩ ی جە دژوو عەبدوڵڵا ئۆجالانی ڕابەروو گەلوو کوردی و گۆشەگیریی ئیمراڵی قسێشا پۍ ئاژانسەکەیما کەردۍ. گەریلاو هەپەگەی ئەسلان قیبەسین باسش چانەی کەرد، کە دەوڵەتوو تورکیای و هێزەکاو دلۍ پیلانگێڵنی ڕۆ دماو ڕۆی گۆشەگیریی سەروو ڕابەروو گەلوو کوردی ئۆجالانی قووڵتەر کەراوە و واتش: حرچنڎە ڕابەر ئاپۆ بە شێوێوە جەستەیی زینڎانی کریا بۆ، بەڵام ڕابەرێوەن کە بە فەلسەفە و ئایدۆلۆژیا و ئەندێشەکا ۋێش ئازاڎیش بەدەس ئاردەن. پېسە جەنگاوەرا ڕابەر ئاپۆی جە کەشەکا کوردسانینە درێژە بە خەباتوو ۋێما مڎەیمۍ و خاکوو کوردسانی جە دوژمناما پاککەرمېوە، بەردەوامۍ بیمۍ جە کۊشیای تا گۆشەگیریی سەروو ڕابەر ئاپۆی ماڕمۍ، ئێمە چنی ڕابەر ئاپۊی سەرکۊتەی ئازاڎیی کوردسانەنە وەشکەرمۍ.

٢٥ ساڵ چێوەڵتەر جە تەرەفوو هێزە هەژموونوازەکا و دەوڵەتوو تورکی و دەوڵەتە میان دەوڵەتییەکاوە پیلانگێڵیێوە دژ بە ڕابەر ئاپۆی ڕێکوزیا و ئی پیلانگێڵییە جە ساڵەو ١٩٩٩یۆ بەردەوامەنە. جە ئاکاموو ئی پیلانگێڵییەینە ڕابەر ئاپۆ گیریا. ٢٥ ساڵۍ سەروو ئی پیلانێرە ویەردەن. ڕابەر ئاپۆ بە فکروو ئەندێشەکاش ئینا دلۍ گەریلای و مەردمینە. مەردم و گەریلا سەروو ئا بنەمایۍ ڕا کەراو هەنگامە منیا. ئێساڵی کەرمۍ بە ساڵۍ کە چنەشەنە سەرکۊتەی و ئازاڎیی جەستەیی ڕابەرەکەیما بەدەس بارمۍ.

'چنە گۆشەگیری تنتەر کریۆوە، دەوڵەتوو تورکیچ ئانڎە گورزەش ۋنە شنیۆ'

جە ئەساسەنە بانگەوازوو ئێمە پۍ دەوڵەتوو تورکی ئینەن؛ چا جەنگەنە کە یەرۍ ساڵێن بەردەواما، دەوڵەتوو تورکی و نەتەوە دەوڵەت بە گرڎ جۆرە تەکنەلۆجیایۍ هجومی قورس جە دژوو ۋەرنیشت، سەرنیشت، پانیشت، ۋەرکەوت و مېڎانەکا گەریلای ئەنجام مڎۆ. یۆ جە مەڵامەتەکا ئا هجومایچە ئا گورزێنۍ کە جە چالاکیەکا گەریلاینە وەرشا کۊتەن. دوژمن بە مەڵامەتوو گورزەی قورسێوە کە جە تەرەفوو گەریلایۆ وەرش گنۆ، هێزو وەرنگاربیەیۆ و بڕواو ۋێش جە دەسدا. وەروو ئانەی گۆشەگیری سەروو رابەرایەتی بەردەواما، هەڵمەتەکۍ گەریلایچ بەردەوامێنۍ. گۆشەگیری سەروو رابەرایەتی چن دژوارتەر بۆ، دەوڵەتوو تورکی ئانڎە گورزەش وەرگنۆ".

'ئازاڎیی رابەر ئاپۆی'

گەریلاو هەپەگەی هەژار کارۆخ جە بارەو پیلانگێڵنی میان نەتەوەیی ١٥و شوباتی و گۆشەگیری ئیمراڵیۆ ئەرەیاوناش، "گەورەتەرین ئامانجوو پیلانگێڵنییەکەی بێکاریگەرکەردەی رابەر ئاپۆی، بڕیەیشەرە جە گەلی، دمایی ئاردەی بە جمیەروو پەکەکەی، دلێنەبەردەو کوردی ئازاڎیی بۍ. بەڵام بە ئاشکرا پیویۆ کە کۊشیای جمیەروو کوردی و کۊشیای گەلوو کوردی وڵاتپاڕێزی ساڵ جە دماو ساڵۍ گۆرەتەر بیەن، ئەندێشە و رامانەکۍ رابەر ئاپۆی بە گرڎوو جەهانیرە وەڵۍ بیێنۍ. بەتایبەتی ۋەروو رۆشنایی پارێزنامەکا و ئا مۊچیاریانە کە وزیێنۍ ڕووە، جە فرەو مەنتیقا جەهانینە خۊتانکەردەی جە رابەرایەتی زیاڎ بیەن. هێزە هەژموونگەرا و پیلانگێڵنەکۍ مەتاوا چا گردەیە بیاوانە، گۆشەگیری سەروو رابەر ئاپۆی دژوارتەر کریا. رابەر ئاپۆ بە ئیراڎەو ۋێش، بە شێوازوو ئەندێشە و کۊشیای ۋێش، پیلانەو هێزە پیلانگێڵنەکاش پوچ کەردۆ. کۊشیای جە کەشەکا کوردسانینە، کۊشیایۍ تاریخیا. مدرامانێوە تاریخیائا ڕۍ کە ئێمە گێرمێشەنە وەر خەتەو رابەرایەتینە، خەتەو گیانبازیینە، خەتەو گەشمەرڎانە. ئێمە سەروو ئا بنەما و پرەنسیپا پاگیری کەرمۍ؛ ئێمە بە دڵنیاییوە ئێساڵ دوژمنی ماڕمۍ. خاک و کەشەکۍ کوردسانی با بە قەبرەو دوژمنا. ئێمە جە ٢٥ەمین ساڵەو پیلانگێڵنینە ئازاڎیی جەسەیی رابەر ئاپۆی و ئازاڎیی کوردسانی مارمۍ دی".