"تا پەرسەو کوردی چارەسەرە نەبۆ، پەرسەکێ تەرێچ چارەسەرێ مەبا"
ەدنە نەخشەڕاو "پێویسا واوەی دەربارەو چارەسەری قسێ کەرمێ" ئاشکرا کریا و پەیام دریا "تا پەرسەو کوردی چارەسەرە نەبۆ، پەرسەکێ تەرێچ چارەسەرێ مەبا".
بە سەرمەشقایەتیی پلاتفۆرموو پارێزنای و پەشتیوانیی ئامەدی کۆبییەیۆ "پەی چارەسەروو پەرسەو کوردی، کۆبییەیۆ جڤاکی مەدەنی" ٢٤ شوباتینە کریا، ئەنجامنامەکەش ئاشکرا کەرد.
نەخشەڕاکێ تورانێ ئاشکرا کەردە، ماددەکاو پێوەس بە چارەسەری وزیێ ڕووە. ئاماژە پانەیە کریان، کۆبییەیۆکەی کە بە مەبەسوو نرخنای پەی چارەسەری دیموکراتیکی و ئاشتییانەی کریان. کۆبییەیۆکەینە جەخت کریانۆ، جە ئەوەڵوو کۆماریوە پەرسەو کوردی هەنە، نمەکریۆ بە سیاسەتی ئەمنی دەرگیروو ئی پەرسێ با و تندوتیژی ڕاو چارەسەری نییەنە.
هەرپاسە ئەوەخوای کریانۆ، بۆنەو چارەسەرنەکەردەی پەرسەو کوردیوە چندین کێشێ و قەیرانێ سەرەشا وردان پێسە:
* قەدەغە و سیاسەتوو ئەسیمیلاسیۆنی ساڵانێوەن سەروو زوانی کوردییوە بەردەواما، چالاکییە هونەرییە کوردییەکێ قەدەغێ کریا و ئاستەنگی یاسایی وەردەموو پەروەردەینە بە زوانوو ئەدێ و واتەی بە زوانی کوردی بەردەواما.
* وێرانبییەی ژیوگەی بۆنەو جەنگی و ئۆپەراسیۆنەکاوە.
* ڕاکاری ئەمنی بەروو کۆنتڕۆڵیوە ناوەندوو شار و یاگەکانە، پەوکای چند جارێ زارۆڵێ بیێنێ چێروو زرەپۆشەکاوە و بۆنەو سیاسەتوو سزانەدایۆ جیاکاری و ڕەگەزپەرسی وەراوەروو ژەنا بەردەواما.
* گێرتەی پەرلەمانتارا و نیایرەی قەیومی و وستەیرەی پارتە سیاسییەکا.
* چارەسەرنەبییەی پەرسەو کوردی تندوتیژی و هەژاریی ژەناش زیاتەر کەردەن.
* دەوری نەرێیی دادەوەرا و دادگاکا وەراوەروو کوردی، پێوەس بە بەتاوانشناسای پارتە سیاسییەکا و سەپنای سزای قورسێ سەرشارە، پاشێلکەردەی مافوو زیندانییەکا و ڕاگێرتەی جە مافوو چەمپەنەکەوتەی وکەردەی ئا پاشێلکارییە میاننەتەوەییا کە پێسە گۆشەگیری مشناسنیا. هۆکارەکەش گردوو ئا پاگێرتەیرانێ سەروو چارەسەرنەکەرەی پەرسەو کوردی.
ئا چێوێ کە پێویسا کریا:
ئەوەخوای کریانۆ، پەی چارەسەروو پەرسەو جڤاکی کوردی، پەی خولقنای یۆبییەی و زەمینێوە هامبەشی پێویسا گردوو شارەکانە خەبات کریۆ، پەی هەوڵ و پەیوەندییەکا شاندێوە هامبەش مەرزیۆرە و ئی وەڵێنیارێ وەرەچەم گیریا:
"* چارەسەروو پەرسەو کوردی، پێویسش بە ئیرادێوە تازەین، پەی ئینەیە پێویسا تفەنگەکێ بێدەنگێ کریا.
٭ بۆ ئاشتی و چارەسەری بەردەوامی پێویسا قۆرتەکاو وەردەموو گردوو ئەکتەرەکا لا بریا و دەرفەتی پێویس دابین کریۆ تا بتاوا دوروو وێشا گێڵنا.
* پەرسەو کوردی خاڵەی سەرەکیییەو کێشە ئابووری و دیموکراسی و یاساییەکاو وەڵاتینە و پێویسا لایەنە سیاسییەکێ سەروو ئا بناغەیۆ دوور جە ملەملە سیاسییەکا جە پەرسەکێ نزیکێ باوە.
*پەی چارەسەرکەردەی پەرسەکێ پێویسا پەشتیوانی وەنەو چالاکییەکاو ڕێکوزیایە جڤاکی- مەدەنییەکا کریۆ.
*پی هەنگاما مشۆم دەستوورێوە تازە پێک بێ و هەرمانە کریۆ تا هەرکەس پەی چارەسەروو پەرسە جڤاکییەکا دەور گێڵنۆ.
سەروو بناغەو ئی وەڵینیار و داواکارییا چوارچوەو کۆبییەیۆ چەنی ئا شاندەینە قەرارا مەرزیۆرە، درێژە بە خەباتی مدەیمێ، بە ڕێزۆ ئینەیە پەی ڕای گردینی وەڵا کەرمێوە".
