پەرلەمانتارو دەم پارتی کامران تانهان ئەرەیاۋناش، پەی هۆرگێرتەیۆ تەرمو ڕۆنامەنوویسە گەشمەرڎەکا، ئیجازەشا جە وەزارەتەکا دلێینەی و جبەری هۆرگێرتەن کەچی ڕاگیریشا ۋنە مکریۆ."
جە ٦و کانوونو دووەمیوە جە دەروازەو سنووری خابوریوە ڕا جە گێلنایۆ تەرمو ڕۆنامەنوویسا نازم داشتانی و جیهان بیلگینۍ مکریۆ. بنەیانەو داشتانی و بیلگینۍ ماوەو ٣ ڕووان جە دەروازەو سنووری خابورینە چەمەڕایی مکەرا. کامران تانهان، پەرلەمانتارو دەم پارتی کە ئینا چنی بنەیانەکا جە دەروازەو سنووری خابوری، چنی ئاژانسو هەواڵو فوراتی قسێش کەردۍ.
تانهان ئاماژەش پانەی دا، ئارۆ جە شارو سلۆپینە پەی ئیڎانەکەردەی ئاستەنگیە هەڕەمەکییەکا کۆنفڕانسێوە ڕۆنامەوانی جەماوەری ساز مکەرمۍ و واتش: "ئانەی رووە مڎۆ دڕندەیی و ئەشکەنجەدای بنەیانەکان."
'هەردووە وەزارەت ڕاشا دان، جە سنورەنە ڕاگیری مکەرا '
کامەران تانهان، پەرلەمانتارو دەم پارتی ئەرەیاۋناش؛ جە سەر ۋنەدایما پەی لاو وەزارەتو جبەری و وەزارەتو دلێینەی، ئیچازەشا دان کە تەرمو نازم داشتانی و جیهان بیلگینۍ جە ڕاو بنەیانەکاشاوە گێڵۊوە و جە ئاکامەنە پېسە شاندێوە لوایمۍ پەی دەروازەو سنووری خابوری.
تەنانەت هەردووە وەزارەتو جبەری و وەزارەتو دلێینەی بە شێوێوە زارەکی بە پارتەکەیماشا واتەن، کە متاوا جە دەروازەو سنووری خابورینە پڕاوە پەی هۆرگێرتەیۆ تەرمەکا، بەڵام ماوەو یەرۍ ڕووا ۋېیەردەن و ئیجازەما پنەنەدریان جە دەروازەو سنووری خابورینە پڕمێوە."
تانهان ئەرەیاۋناش؛ پەی ئیدانەکەردەی ئی بێڕێزییە جە سلۆپینە کۊنگرێوە ڕۆنامەوانی بینمۍ. ئی هەرمانۍ جگە جە بێ ڕێزی و ئەشکەنجەدای بنەیانەکا هیچی تەر نمەیاونۆ و قبووڵکریا نییا. هەرپاسە تانهان داواش کەردە دەموودەس دمایی پا کردەوا بێنە.
