ڕۊو چوارشەممەی، جمیەرو جوۋانا شۊڕشگێڵی (تەجەشە)ی و جمیەرو ژەنا گەنجی کۊششکەری (تێکۊژن)، جە ڕاو ئەرەیاۋنېوە نۋیسیایۊ، بانگەواز جە گەنجا مکەرا جە گەڕو دوۋەمو ھۊرچنیەکا سەرۊکایەتی تورکیاینە دەنگ بڎا.

ئەرەیاۋناکە ماچۊ: «ئاشکران ئی ھۊرچنیەیەیە سەرکۊتەی گۊرە و تاریخی چنی ۋېش مارۊ پۍ جوۋانا و گەلەکەیما»، ئاماژە پانەی مکەرۊ، ئینە یوۋەمجارا جە تاریخو تورکیاینە ھۊرچنیەی سەرۊکایەتی ملۊنە گەڕی دوۋەم. 

حەرپاسە جە ئەرەیاۋناکەنە ئامان: «بێگومان ئینە گرنگا، گەلوو کورڎی خۊتان ئی سەرکۊتەینە، سەرەڕاو گرڎو فرتوفێڵەکا، ئاشکران خەتەو کۊشیای ئازاڎیی چی قۊناغەنە هێزی یەکلاکەرەوەن».

سەرنەکۊت... ئیتر وەخت و بەزناین

یاۋنەریەکە ماچۊ: «فاشیزم سەرنەکۊت و لوۋا گەڕی دوۋەم، پێۋیسا کۊشش و مدرامان جە گرڎو مېڎانەکانە گۊرەتەر کەرمۍ، پێۋیسا جە گەڕو دوۋەمینە گرڎو گەنجا حۊڵداو یانە بە یانە گېڵا، کۊشش کەرا پەی کۊتەی فاشیزمی. پسە چنی ناستما فاشیزم چی ھۊرچنیەینە براوە بۊ، ئیسە ئیتر وەختو بەزنایش و دلېنەبەرڎەو فاشیزمین».

حەردوۋە جمیەرەکە جە دما دمایی ئەرەیاۋناکەینە داوا جە جوۋانا مکەرا، جە گەڕوو دوۋەمو ھۊرچنیەکا سەرۊکایەتینە جە ٢٨ و ئایاری، هەڵمەتەو گېڵای ئەنجام بڎا.

هـ . ش