تەجەشە و تێکۆژن: پەنەوازەن گرڎوو گەنجا سەرمەشقایەتی ڕاپیماو ١٧ و شوباتی کەرا
تەجەشە و تێکۆژن داواشا جە گرڎوو گەنجا کەرد: " کە پەنەوازەن گرڎ کەسۍ جە ڕاپیماو ١٧ شوباتینە بانۍ بە سەرمەشق، هەنگامێوەتەر جە ڕابەر ئاپۆی نزیکۍ باوە و بانۍ بە دەنگوو ئاڎیی".
تەڤگەروو گەنجا شۆڕشگێڵنی و ژەنە گەنجا تێکۆشەری پۍ بەشداری جە ڕاپیماو ١٧ و شوباتی ئەرەیاۋنێوەشا وەڵاکەردۆ.
سەرنج وزا سەروو گۆشەگیری و بێدەنگی سی پی تی و ڕێکوزیا میان نەتەوەییەکا و ماچا: "مدرامانی ناوازە و ڕامانەکۍ ڕابەر ئاپۆی جە زینڎانوو ئیمراڵینە سەلەمناش ڕابەروو گەلان و فیکروو ئاڎیی پۍ گرڎوو مرۆڤایەتیا".
جە ئەرەیاۋناکەینە ئامان: "ڕابەرایەتی بە گەنجا ماچۆ، "گەنجەکۍ ئەرک و ۋەرپرسیاریشا ئینا سەروو شاناوە کە چاندوو دیموکراسی بیاونا بە جەماوەری" پۊکاتی پەنەوازەن گەنجەکۍ سەرمەشقایەتی دروشمەو "ئازاڎیی پۍ ڕابەر ئاپۆی، چارەسەری سیاسی پۍ پرسوو کوردی" کەرا".
حەرپاسە ئامان: "بەدیئامای ئازاڎیی جەسەیی ڕابەر ئاپۆی لکەدریان بە گەنجا و گەلی وڵاتپارێزوو کوردی و جوابدایۆ پێشئاما سیاسییەکاوە. پەنەوازەن گەنجەکۍ بە گرڎوو قوەتیشاوە دەوروو سەرمەشقی گێڵنا چا ڕاپیماینە کە ڕۊو ١٧و شوباتی جە شاروو کۆڵنینە جە ئەڵمانیا بە دروشمەو "ئازاڎیی پۍ ڕابەر ئاپۆی، چارەسەری سیاسی پۍ پرسوو کوردی" ملۊڕاوە و سەڎان هەزار کەسۍ چنەشەنە بەشدارۍ با".
ئاماژە پانەی کریان، ئەنجامدای ئی ڕاپیمایە جە ئەڵمانیانە و پېسە دەوڵەت-نەتەوێوە سەرمەشقوو مۆدێرنیتەی سەرمایەداری پەیام و هەنگامێوە تاریخیا، واوەیش کەراوە تا ماڕای گۆشەگیری و ناستەی گرڎوو پیلانگێڵنا، جە مېڎانەکانە مەناوە.
