تەنیا جە مانگە و ئایارینە تورکیانە ١٧٧ کرێکارێ گیانشا جە دەسدان
بە پاو ئامارێوە ئەنجوومەنو سڵامەتی هەرمانێ و تەندروسی کرێکارا (ISIG)، جە مانگە و ئایارینە جە سەرانسەرو تورکیاینە لایەنیکەم ١٧٧ کرێکارێ گیانشا جە دەسدان.
بە پاو ئامارەکا ئەنجوومەنو سەلامەتی هەرمانێ و تەندروسی کرێکارا (ISIG)، جە مانگە و ئایارینە لانیکەم ١٧٧ کرێکارێ جە سەرانسەرو تورکیاینە گیانشا جەدەسدان. بە پاو ڕاپۆرتەکێ؛ جە پەنچ مانگە و یوەم و ساڵینە بە گرڏی ٧٩٦ کرێکارێ گیانشا جەدەسدان. فرەی ئا کرێکارا جە کەرتەکا بیناسازی، کشتوکاڵ و خزمەتگوزاریێنێ گیانشا جەدەسدان.
ئا سەندیکا ئاماژەش پانەی دا کە ٦ چا کرێکارا گیانشا جەدەسدان زاڕۆڵێنێ و ٧ کەسێشا پەنابەرێنێ. جە بەردەوامی ئەرەیاوناکەینە ئاماژە پانەی کریان کە جە سەنە ٩٥و ئا کرێکارا کە گیانشا جەدەسدان ئەندامو سەندیکاکا نییەنێ. ئا شارێ کە فرەتەرین کرێکارێ دلێشنە گیانشا جە دەسدان، ئەستەنبوڵ، ئایدن، موگلا و ساکاریا بییەن.
