جمیەروو ژەناو کوردی ئەورووپانە (تەژەکە-ئە) ئەرەیاوناش: "جەژنەو نەورۆزی وەنەو گردوو گەلت و گەنجا بەتایبەتی چا ژەنا مەبارەک مکەرمێ، کە دژوو ستەمی و فشاری وێگێری کەرا و سەرە مەکۆمنارە، بە دڵسۆزی و ئازادییوە پەرە بە مدرامانی و کۆشیای مدانێ."

ئەرەیانوایەکەنە ئامان، کە ڕابەروو گەلوو کوردی عەبدوڵا ئۆجالان گوزارشتا جە واوەی زیندەبییەیۆ گەلوو کوردی و ئانەیچش وستەن ڕووە، "ئانەش دەسنیشان کەرد، کە کوردستان کۆلۆنی و یاگێوە ئەرەگیرکریێنە و تا گەلوو کوردزوان، کولتوور، وێبییەی و ئایندەو وێش دەس وزۆ ڕاو ژیواێوە ئازادییش کەردۆ. ڕابەر ئاپۆ  گۆشەگیریێوە ڕەها و سیستماتیکو ئەشکەنجەداینە کە جیهاننەنە هامشێوەش نییا. سەرباروو ئانەیچە ڕابەر ئاپۆ ئیمراڵیینە سەرمەشقایەتیی گەلێوەش کەرد و سیاسەتوو قڕکەردەی و سەرکوتوو دوژمنیش پووچەڵ کەردۆ".

ئەرەیاونایەکەو تەژەکە-ئەینە ئامان:  

"دەوڵەتی تورکی فاشیست و ئا هێزە سەرمایەداریێ کە ئینێ پەشتیشۆ، سیاسەتوو قڕکەردەی دژوو گەلوو کوردی زیاتەر قووڵ کەراوە و هجوومێ مکەرا.وینیا کە وەختێو بابەتەکە بۆ بە کورد، چەنی پەیماننامە میاننەتەوەییەکا بەکار مارانێ و دەهێنن و دەس جە گێرتەیرەیوەروو ڕاکارەکا ورمگێرانێ و هیچ مەکۆڵیایچۆ. گۆشەگیری و بڕیایرەی دژوو ڕابەر ئاپۆی، پێسەو پاشێلکاریێوەن، کە هیچ یاگێوی جیهانینە و هیچ وەختێوەنە هامشێوەکەش نەوینیان و پەلە تاریکەکاو تارێخینە یاگێش گێرتێنە. پەی ڕای گردینی سەلەمیان، کە کەشەکاو کوردستانینە چەکی کیمیایی بەکارمارا. هێزە میاننەتەوەییەکێ بە بێدەنگی و بێهەڵوێستییشا  جوابوو گردوو بانگەواز و وێنیشاندایەکاشا داوە. موازیۆ کە سەرنیشتنە ئۆپراسیۆنی سیاسی، ئەشکەنجە زیندانەکانە و بە دیلگێرتەی پێسەو پارچێوە جە سیاسەتوو قڕکەردەی گەلوو کوردی بەردەوام بۆ.

دژوو گردوو سیاسەتەکاو قڕکەردەی و دلێنەبەردەی، ژەناو کوردی و گەل بە مدرامانێوە شکۆدار گرد ڕوێ ئینێ کۆشیاینە و فراوانتەرش کەرانێ. جمیەروو ئازادیی کوردی ئا هجووما دوژمنی کە گرد مەیدانێوەنە  ماڕێنیش و مدرامانی بێهاتاش گێرتەن وەر. ڕابەرایەتییچ چیروو گۆشەگیریینە گردوو سیاسەتەکاو قڕکەردەیش بە مدرامانی گەورە پووچەڵی کەردێنێوە.  

ئارۆ زیاتەر ژەنی دەوروو ڕابەر ئاپۆیرە جەمێ با، بە واتەی 'ئازادیی ڕابەرایەتی ئازادیی ئێمەنە' خاوەنداری وەنەو هەڵمەتەو 'ئازادیی پەی ڕابەر ئاپۆ، چارەسەری سیاسیی پەی پرسەو کورد'ی مکەرا و گردوو مەیدانەکانە پێشەنگایەتی پەی هەڵمەتەکێ کەرا. ئێمە پێسەو ژەنا، گردیاگێوەنە بە تایبەتی نەورۆزوو ٢٣ ئاداروو ئەڵمانیاینە، پێسە ٨وو ئاداری ڕەنگەو مدرامانی پۆشمێ و مەیدانەکانە بیمێ. ئێمە پردێوە مدرامانی بەینوو ٨ ئاداری و ٢١ ئادارینە ساز مکەرمێ و گردوو ساڵەکێنە وەڵاش مکەرمێوە. سەروو ئا بنەمێوە بەتایبەتی ژەنی، ئێمە داوا جە گردوو گەلەکەیمامکەرمێ کە مەیدانەکو نەورۆزینە ئێروو مدرامانی گەشاوەتەر و بەگوڕتر بکەرا".