بەپاو بەرنامەو دەنگدای، کە جە لایەنو کۊمسیۊنو باڵاو ھورچنیاکاۋە ئەرەیاۋیان، دەنگدای جە جبەرو تورکیای جە ٢٧و نیسانی جە ١٧٧ بنکانە جە ٧٤ ۋڵاتێنە دەسپنەکەرۊ و دەنگدای حەتا ٩و ئایاری ۋەردەوام بۊ.

دەنگدای سەرو بنکەکا جبەرو ۋڵاتی بە ۋەختو دلېنەو ئا ۋڵاتیە دەنگش چنە دریۊ، جە سەعاڎ ٠٩:٠٠ پۍ ٢١:٠٠ ی ملۊڕاۋە و چا شارایچەنە کە باڵیۊزخانە و کونسوڵخانەشا چنەن، دەنگدای جە سەعاڎ ٠٩:٠٠ پۍ ١٨:٠٠ی بە ۋەختو دلېنەو ئا شاریە و ۋڵاتا ئەنجام دریۊ.

دەنگدەر متاۋۊ جە یۊ جە بنکە دیاریکریاکانە، یان جە یۊ جە سنوقەکا دەنگدای جە مەرزو گومرگەکانە دەنگ بڎۊ. پۍ دەنگدایچ پێویس پانەی مەکەرۊ، کە ۋەڵتەر داواو ۋەختی کەری و ۋەختت پۍ نریۊرە.

ئەگەر ھورچنیەو سەرۊکایەتی لوۋا گەڕی دوۋەم، ئا ۋەختە دەنگدەر متاۋۊ جە ٢٠ پۍ ٢٤و ئایاری دیسان پۍ گەڕو دوۋەمو سەرۊکایەتی دەنگەکەیش بەکار بارۊۋە.

 ھ.ش