بەپاو بەڵگەنامە ڕەسمیەکا سەرۊکایەتی داواکارو گرڎی کە ھېزی ئاشکرا بیەن و جە ٤ و نیسانیەنە بەرشیەن، دەسو ئاژانسو ڕۊژ نیوزی کۊتەن، سەرۊکایەتی داواکارو گرڎی جە جوابو نۋیسیاو پەرلەمانتار "حوسێن مونس"ینە، داڎگاو ۋنەکۊڵیای ئیتیحادیش ڕائەسپاران ڕای یاساییە گېرانە وەر پەیوەس بە نۋیسیاکەی و خېرا ئەنجامەکەشا پنە یاۋنا.

پەرلەمانتارەکە داواش کەرڎە بۍ شەکۋێوە یاسایی جوڵیۊنە دژوو سەرۊکو ۋەڵتەرو دەزگاو هەواڵگری موستەفا کازمی و چنەشەنە ئامان: «بەپاو ئا ئەرکا کە بە دەزگاکەی ئەسپاریان پەیوەس بە پارېزناو سیستم و ئاسایشو دۊڵەتی و پارېزناو مەسڵەحەتە باڵاکا گەلی و پارېزناو سامانو دۊڵەتی و کەرتو گرڎی، هامشان چنی هامکاریکەرڎەی چنی داڎگا و دەزگا پەیوەنڎیدارەکا جە ئېستەیۊ خېراو ھەرمانە تاوانکارییەکا، داوا کەرمۍ ڕای یاساییە گیریۊنە وەر دژوو سەرۊکو ۋەڵین و دەزگاکەی مسەفا کازمی، بەمەڵامەتو کەمتەرخەمی و خەمسەردییەکاش چنی بەعزۍ جە کارمەنڎا دەزگاکەی پەیوەس بە پێشکەش نەکەرڎەو زانیارییە ئەمنییە پێۋیسیەکا بە فەرمانڎەیی گرڎی هێزە چەکڎاراکا بە ئامانجو گېرتەی وەرو ڕا یاساییەکا کە تاۋۍ ڕا گېرۊ چانەی کە گەشتوگېڵە مەڎەنییەکۍ فڕۊکەخانەو بەغڎای گنانە چېرو تەرسېوە جە ٣/١/٢٠٢٠ بە مەڵامەتو موشەکۋارانکەرڎەو فڕۊکەخانەکەیۊ جە ڕاو فڕۊکەی بۍ فڕۊکەوانی ئەمریکیۊ، کە بی بەمەڵامەتو گەشمەرڎەبیەو یاگەگیرو سەرۊکو دەسەی حەشدی شەعبی ئەبو مەهدی موهەندس و مېمان و عێراقی قاسم سولەیمانی و ھامڕاکاش، چنی کەوتەیۊ زەرەرۍ فرەی بە سامانو گرڎی پەیوەس بە ترۊمبېلەکاو دەسەی حەشدی شەعبیۊ کە فاڕێشاوە».

ھ.ش