ۋەربەرەو فېفایەنە چالاکا پارتېزانی ھجومەکەو سەرو ئامەڎ سپۊریشا شەرمەسار کەرڎ
جە شارو زوریخو سویسرای چالاکا پارتېزانی ۋەربەرەو بېناو یۊبیەو تۊپەو پەیا جەھانینە کە ئەشناسېان بە(fifa)ی، چالاکېشا ئەنجامدا.
ھجومە نەژاڎ پەرسیەکەو ڕۊو یەکشەممەی جە ۋەختو کێڵەکەرڎەی بەینو ئامەڎ سپۊری و بورسا سپۊری، کە چنەشەنە ھجوم کریا سەرو گەمەچېەکاو تېمو ئامەڎ سپۊری، جە سویسرانە بە چالاکېێۋە شەرمەزار کریا.
چالاکا پارتېزانی ۋەربەرەو ناۋەنڎو(fifa)یەنە جە شارو زوریخو سویسرای چالاکېێشا ئەنجامدا و لافېتێشا ھورواست کە بە ھەرڎوۋە زۋانی ئەڵمانی و تورکی چنەشەنە نۋیسیابۍ "ئامەڎ سپۊر تەنېا نیا".
حەرپاسە ئەرەیاۋنێۋەشا داو داواشا جە فېفای کەرڎ کە ۋەران ۋەرو ئا ھجومانە بێدەنگ نەبۊ.
ھ.ش
