پەی یاڎکەرڎەیۊی گەریلاو یەژاستاری گەشمەرڎە ڤیان سۊران (لەیلا والی حوسەین)ێ، کە دژوو پیلانگێڵنیی میاننەتەوەیی وەراوەروو ڕابەروو گەلوو کوردی عەبدوڵا ئۊجالانی ٢ شوباتوو ٢٠٠٦ وێش سۊچنا، چالاکی کریا. چالاکییەکە کۊنگرەو ستاری دێرک و تربەسپی و تەل تەمرنە کانتۊنوو جەزیرەینە کریا.

دێرک

 ناوەندوو کۊنگرەو ستارینە شاروو دێرکینە یاڎەکە کریاوە.

چالاکییەکەنە وچیا: "هامڕا ڤیانە ژەنێوە کورڎەی سەر بە عەشیرەتێوە گەورەو پانیشتوو کوردستانینە. ڤیانە وەراوەروو جڤاکی فیوداڵینە کە ژەنی بە گولانە موینۊ تەڤگەروو ئازاڎیی کوردستانی گەشتوو ئازاڎییش دەس پەنە کەرد".

ئینجا ئەرەیاونیا، دژ بە پیلانگێڵنیی میاننەتەوەیی سەروو ڕابەروو گەلوو کوردی عەبدوڵا ئۊجالانی وێش سۊچنا و "بییە بە مەشخەڵێوە پەی ڕۊشنکەرڎەیۊ وەڵاتی". 

تربەسپی

لە تربەسپی-ینە ئەرەیاونیایۍ ونیاوە، لاو ئەندامەو کۊنگرەو ستاری بەڵقیس حەسەنێوە.

دلێشنە وچیا: "گەشمەرڎە ڤیانە نوێنەرایەتیی هۊشیاری و ئیرادەی قەوەت و مدرامانییش کەرڎەن. دژوو سیاسەتوو چەوسنایۊ و ئەسیمیلاسیۊنی دژوو گەلوو کوردی جەستەش کەرد بە ئەڵقۍ ئاویری و بییە بە سیمبولەو مدرامانی".

وەعد دریا پەی درێژەدای بە خەتەو گەشمەرڎاو ئازاڎی تا بەدیئارڎەی ئازاڎیی جەستەیی ڕابەروو گەلوو کوردی عەبدوڵا ئۊجالانی.

تەل تەمر

کۊنگرەو ستاری کۊبییەیۊێش بیناو مەجلیسوو بنەیانەو گەشمەرڎانە ڕێک وست.

کۊبییەیوەکەنە جەخت کریاوە سەروو گەورەکەرڎەی کۊشیای وەراوەروو دوژمنی و وچیا: "پێویسا کەسێتیی گەشمەرڎە ڤیانۍ پێسە نموونەی وینیۊ، زەروورا سەروو ڕاو ئادیشاوە بیمۍ تا ئازاڎیی جەستەیی ڕابەرعەبدوڵا ئۊجالانی مسۊگەر کەرمێ".

ئاخرۊ سینڤزیۊنێوە سەروو ژیوای گەشمەرڎە ڤیان سۊرانی نیشانە دریا و کۊبییەیۊکەی بە درووشموو سڵامکەرڎەی وەنەو مدرامانوو ڕابەروو گەلوو کوردی عەبدوڵا ئۊجالانی دماییش ئاما.