ماوێوە کەم پەی ورچنیەی سەرۊکایەتی و پەرلەمانوو تورکیای مەنەن، چا چوارچووەنە جە ڤیەنناو پایتەختوو نەمساینە ئاهەنگێوە  پەی پەشتیوانی جە پارتوو چەپی سەوزی گێڵیا.

ئاهەنگەکەنە باس جە گرنگیی ورچنیەیەکا کریا و داوا جە دەنگدەرا کریا دەنگ پەی دەسپەنەکەرڎەی پڕۊسێوە تازەی بدا.

هایدی سێکوێنز جە پارتوو سەوزوو نەمساینە ئاهەنگەکەنە واتش، "حەردەنگێوە متاوۊ وەڵاتی بەتەمامی فاڕۊ." سێکوینز ئەرەیاونایچش، بۊ چەمداریکەرڎەی ورچنیەیەکا ملۊ پەی ئامەدی.

میکایل ئەسلان، شەریف ئۊمەری، دەلیل خدر، گرووپوو ڕۊژاڤای و حەمیدی لوێ سەروو ستەیجی و هونەروو وێشا پێشکەش کەرڎ. ئاهەنگەکە بە زەماونڎە و ورپرای و دماییش ئاما.

س.ز