١١ ڕۊنامەنۋیسۍ کورڎی، کە ٩ کەسېشا گیریېنۍ و ئینۍ زینڎانەنە، یوۋەم ئەرەنیشتەو داڎگایکەرڎەیشا ڕۊو یەرەشەممەی ملۊڕاۋە. ڕاوەبەرو نۋیستەو ئاژانسو میزۊپۊتامیا (MA)ی دیرەن یورتسەڤەر، پەیامنێرا ئاژانسو میزپۊتامیای "بێریڤان ئاڵتانە، جەیلان شاهینلی،  سەلمان گوزەل یوز، ئەمروڵا ئاجار، هاکان یاڵچین و دەنیز نازلم" و پەیامنێرا ژن نیوزی "حەبیبە ئەرەن و ئۊزنور دەگەر"ە جە ۲۹و تشرینو یوۋەمو ٢٠٢٢ېنە جە چۋارچێوەو ۋنەکۊڵیاو داواکارو گرڎی ئەنقەرەیۊ گیریۍ.

جە هەمان وەختەنە، پەیامنێرا ئاژانسی میزۊپۊتامیای زەمۊ ئاگگۊز و محەمەد گونهان، کە ماۋېوە جە نۋیسینگەو ئاژانسی میزۊپۊتامیای جە ئەنقەرە ھەرمانەی سیاسیە کەرېنۍ، داڎگایی کریا.

ڕۊنامەنۋیسەکۍ بە تۊمەتو "ئەنڎامبیەی جە ڕێکوستەی تیرۊریستی" ینە داڎگایی کریا. نوێنەرا دەزگاکا یاۋنەری و ڕۊنامەنۋیسا ڕۊو یەرەشەممەی جە لقو ٤و داڎگاو سزا قورسەکا ئەنقەرەینە داڎگایی کریا.

ھ.ش