ڕۆو ٢٠و حوزەیرانی ئاویر دەگایەکاو مەنتێقەو چناروو شاروو ئامەدی و شەمڕەخوو مێردینینە کەوتۆ وپانەیە ١٥ هاموەڵاتێ  مەردێ، کێبڵە کارەباییەکاو کۆمپانیاو بەشکەردەی کۆمپانیاو (دەداش)ی، کە تا ئیساتێ کێبڵە ڕێزێکێشنەفاڕێنێ، بییەن بایسوو ئاویرکەوتەیۆکا. دەداش قبووڵش نمەکەرۆ، کە ئاویرەکە بۆنەو کێبڵەکاو کارەبێکێوە بییەن. داواکاری گردین مەنتێقەو چنارینە جە ڕاپۆرتەی سەرەتاییەشنە واتەنش، ئاویرەکە بۆنەو کێبڵوو کارەبێوە بییەن. ژووروو ئەندازەگێرایچ ڕاپۆرتەی سەرەتاییەشانە هەمان چێوشا واتەن، بەڵام دەداش نیاش ملوو هیتیارا.

 سەردەمێوەنە کە دەداش ئینکاریی ڕاسییەکا مکەرۆ، ئی جارە ڕسم و ڤیدیۆو ئاویرەکەوتەیوەکەو مەنتێقەو  ئیجارینە وەڵا کریاوە. چی ڕسمانە کێبڵوو کارەبێوە پریشکێ وەشێ بانە و ئاویر مگنۆوە. سەعاتەکاو شەوێنە مەنتێقەو زیناروو مێردینینە، ئا وەختێ کە پریشکێ کێبڵوو کارەبێوە ئاویر موزاوە هاموەڵاتا تۆمار کەردەن.