ڕۆو ١٠ و کانوونوو یوەمینە جە ١٦٥ وڵاتا جە سەرانسەر و جەهانیەنە هەڵمەتێوە پەی وەنایۆ کتېبەکا ڕابەر ئاپۆی ئەرەیاۋییا چی هەڵمەتېنە ژمارێوە وەرچەم جە فەیلەسوفا و نویسەرا و ڕۆشنفکرا، جە وڵاتا ئۆروپای و ئەمریکای لاتینی و ئەفریقای و ۋەرکەوتوو میامینی ئەرەیاۋییا. ئامانجوو ئەساسی ئی هەڵمەتۍ بەشداری کەردەین جە هەڵمەتە و ئازاڎیی فیزیکی ڕابەر ئاپۆی؛ پەی کەردەیۆ ڕا چارەو کیشەو کوردی. هاموەخت چی بارۆ کەجەکە ئەرەیاۋناش کە مەڵامەت و ئی هەڵمەتۍ ئانەن کە نیشانەش بڎەیمۍ، فکر و فەلسەفە و ڕابەر ئاپۆی ڕا چارەسەر و کېشە و ئاریشەکا سیسەم و سەرمایەدارین. ڕابەر ئاپۆ ساحیب و دەیان کتیبان کە پەی ئاواکەردە و ژیۋایېوە ئازاڎی و دیموکراتوازی و ژیوگەینە نویستېنێش.

کتېبەکۍ ڕابەر ئاپۆی جە تەمام و دنیێنە وەڵۍ کریېنۍ و پەی زیاتەر جە ٣٠ زوانا

هۊرگېڵیێنۍ پێشوازیێوە فرەشا ۋنە کریۆ جە تەرەف و ڕۆشنفکراوە، حەرپاسە کەسانۍ

پېسە نوام چۆمسکی و شیشەکی تەعاجبی وېشا بە دوونیاوینی فەلسەفە و ڕابەر ئاپۆی نیشانەدان. نویستەیەکۍ ڕابەر ئاپۆی جە مەجال و کۆمەڵناسی، وەڵینگە، ئەفسانە، فەلسەفە، ئازاڎیی ژەنۍ، ژیۋگە پارېزی، سیاسەت، ئابوری، هونەر، ئاخېز و زانستینە نویستېنێش. جە دماو گەلە کۆمە و ١٥و شوبات و١٩٩٩ی و زینڎانی کەردەیش جە زینڎانی تاکە کەسی دوورگەو ئیمڕاڵینە، ڕابەر ئاپۆ چنڎین کتېبێش نویستېنۍ نامیەتەرینېشا، "کیشەو کۆمار و توکیای، جە دەوڵەت و ڕاهیبی سۆمەریۆ بەرەو شارستانیەت و دیموکراتی جە دووی بەرگانە، ئورفا نەفرەت و پیرۆزی، بەرگرینامە و ئینسانی ئازاڎیی، بەرگریکەردەی جە گەلۍ، نەخشە ڕاو چارەسەری و کتیب و مانیفیستۆی شارستانی دیموکراتی کە جە پەنج بەرگا پێک مۍ".