جە ٢٠١٢نە قۊمیایۍ گرنگ تاریخوو ۋەرنیشتینە ڕووەشدا، ئاڎیچ ئەرەیاۋناو ئاخێزوو ۋەرنیشتی بۍ. ۋەرنیشت بە چنڎین جەنگۍ و ئەرەگیریرە ویەرد، بەڵام جە ئاکاموو مدرامان و قارەمانی جەمگەوانا و گەلوو کوردیوە، جە ئیسەنە ۋەرنیشت بیەن بە یانەو تەماموو گەلا. بە مدرامانوو جەنگەوانا تاواشا چەتە کۆنەپەرسەکا داعشی ماڕا. بە قوربانیدای گەشمەرڎا تاواشا جەهانی چا تەرسۍ نەجات بڎا.

ئی ئاخێزە جە سایەو سەیەو خەبات و کۊشیای چنڎین ساڵەو ڕابەروو گەلوو کوردی عەبدوڵا، ئۆجالانیەنە ئامان بەرهەم. سەروو بنەماو فکر و فەلسەفەو ڕابەرایەتی ئەرەمەرزیان و هەتا ئیسە بەردەواما.

سەرەڕاو ئاژەی سەخت و ڕوبەڕوو بیەیۆ جەنگی و ئەرەگیری، ۋەرنیشت چنڎین دەسکۊتۍ گرنگێش بەدەسئاردێنۍ، یۆ چا دەسکۊتا وەڵۍ کۊتەین جە بواروو وەنایۆی و مەعریفەینە' کە دلۍ گلێرگەینە پەرەش پنە دریان. ۋەروو ئانەی ڕژێموو بەعسی دژوو ویستوو وەڵێکۊتەی گەلوو سەرنیشتوو ۋەرکەوتوو سوریای بۍ، زانۍ پی مەڵامەتیە ویستوو دمایی ئاردەی بە ڕژێمی بۊ بە ئامانجوو گەلی. پی ئامانجۆ گەلوو سەرنیشتوو ۋەرکەوتوو سوریای چانەی یاوێنە ئاخێز بە وەنای وەش بۆ.

' ساڵەو ٢٠١٩ینە باخچەو وەنایۆی وەشکریا'

سەرەڕاو ئاژەو جەنگی، ڕۆشنۋیرا کانتۆنوو جزیرەی، جە ساڵەو ٢٠١٩ینە باخچەو وەنایۆیشا قامیشلۆنە کەردۆ. ئی باخچە دەرفەتش پۍ گەنجا و نەوەی تازەی ڕەخسنان کە ئاشناو کلتوروو ۋێشا با. جە باخچەکەنە چنڎین سەرچەمۍ کتێبا بە زۋانەکا: کوردی، عەرەبی و ئینگلیزی بیەیشا هەن. حەرپاسە جە باخچەکەنە چالاکی کلتوری و هونەری ئەنجام مڎریۆ.

چا بارۆ هامسەرۆکوو یۆبیەی ڕۆشنۋیرا کانتۆنوو جزیرەی عەبدود مەخسۆ، پۍ ئاژانسوو هەواڵوو فوراتی (ANF)ی قسێس کەردۍ.

مەخسۆ ئاماژەش پانەیدا کە جە ساڵەو ٢٠١٧ینە پۍ کەردەیۆ باخچەو وەنایۆی قەرار و ئاماڎەکاری کریا و واتش: "جە ساڵەو ٢٠١٩ینە قەراروو کەردەیۆ و وەشکەردەی باخچەو وەنایۆی جە تەرەفوو ڕاوەبەروو خۆسەریوە دریا. هەر جە هەمان ساڵەنە باخچەکە وەشکریا".

جە درێژەو قسەکاشەنە مەخسۆ باسش جە سەرچەمەو کتێبەکا کەرد و واتش: "جە کتێبخانەو باخچەکەینە کتێبۍ بە زۋانەکا ئینگلیزی، کوردی و عەرەبی هەنۍ، حەرپاسە جە ساڵەو ٢٠٢٠ینە هۆڵێوە ئەرەمەرزیا پۍ بەستەی سیمیناری و چالاکی هونەری. دماو ئەنجامدای ئی هەرمانا بواروو وەنایۆ و مەعریفەی جە شارەکەنە بەرەو گەشەسانای لووا. باخچەو وەنایۊی بی بە ناوەندێوە کە کلتوروو وەنایۆی گەشە پنەبڎۆ".

'حۊڵمڎەیمۍ باخچۍ وەنایۊی زیاتەرۍ کەرمێوە'

مەخسۆ باسش جە گرنگی کەردەیۊی باخچەو وەنایۊی کەرد و واتش: "جە ساڵەو ٢٠٢٢ێنە باخچێوە وەنایۆی جە شاروو حەسەکەینە کریاوە. ئینایمۍ حۆڵوو ئانەینە کە جە گرڎوو هەرێمەکا سەرنیشت و ۋەرکەوتوو سوریاینە چی جۆرە باخچا کەرمێوە".

' دلۍ باخچەکانە وەڵۍ کۊتەی عال ئامان ئاراوە'

مەخسۆ باسش جە نیایرەو پەیکەرەکا مامۆسایا جگەر خوێنی، عوسمان سابری، شێرکۆ بێکەسی و ئاپی موسای کەرد و واتش: "ئینە سەرنجوو ڕۆشنۋیرا و گەنجا کێشۊنە و پاسە کەرۆ دەوروو یۊترینیرە کۊباوە. ئینەیچ هەنگامێوە گرنگەنە هەم پۍ گەنجا هەم پۍ گەلیچ. چنی کەردەیۊو ئی باخچا وەڵێکۊتەی عال دلۍ گەنجانە وەش بیەن، هاندەر بیەن پۍ ئانەی گەنجەکۍ بتاوا بانۍ بە نویسەر و پەیجوریێ بنویسا. حەرپاسە کەسۍ بەتەمەنۍ مەیا باخچەکە و وەناوە، ئینەیچ فاڕیایۍ دەرونی عال ڕەخسنۆنە".

جە دما دمایی قسەکاشەنە مەخسۆ باسش جە ئامانجوو کەردەیۆ باخچەکەی کەرد و واتش: "ئامانجی بنەڕەتیما جە کەردەیۆ ئی باخچەینە ئانەبۍ، فکر و فەلسەفەو ڕابەر ئاپۆی عالتەر ئاشنا کریۆ و دلۍ گەلینە بە زینڎەیی مەنۊوە. حەرپاسە بۆ بە مەڵامەتوو ئانەی جیلی تازە و گەنجا جە کلتوروو ۋێشا نەبڕیارە، جە دژوو سیستموو قڕکەردەی سەڎان ساڵەی، توێژینەوە بنویساوە".