دۆخو تەندروسی سری سورەیا ئۆندەری، پەرلەمانتارو دەم پارتی و یاگەگیرو سەرۆک پەرلەمانی، کە عەمەلیاتش پەی کریان و جە بەشو چەمدێری تایبەتو نەوەشخانەینە، هەڵای جێگیر نییا.

جەودەت یڵماز یاگەگیرو سەرۆککۆماری چنی داودگوڵ پارێزگارو ئەستەنبوڵی و شاندو هەمڕایش بە مەبەسو پەرسای دۆخو تەندروسی ئۆندەری سەردانو خەسەخانەیشا کەرد.

شاندەکە وەردەمو خەسەخانەینە جەلایەنو تۆلای حاتەم ئۆغولارێ و تونجەر باقرخان هامسەرۆکا دەم پارتی و جەرەن ئۆندەر کاندەمیر کناچێ سری سورەیا ئۆندەری پێشوازیشا ونە کریا.

جەودەت یڵماز دماو جیائاستەو نەوەشخانەی بەیاننامێوەشا وەڵاکەردۆ و ئەرەیاوناشا؛ زانیاریشا جەبارەو دۆخو تەندروسی ئۆندەریۆ بەدەس ئاردەن و واتش: "ئێژا سەرۆککومار جە نزیکۆ لواشۆنی پەی ئی دۆخەیە مکەرۆ، ئێژا سری سورەیا ئوندەر پەی گەلی سیاسەت مکەرۆ، ئا کەسایەتییەی کە تاوۆنە پەیوەندی چنی کەسە جیاوازەکا وەش بکەرۆ و بۆنە سردەو بەینی. هیواو خاسبییەیش پەی وازمێ، کانچەکێ جەرەنیما وینا واتش کەمێ خاستەر دیارا. ماوێوە درێژ ئی وەرەنگار بییەیۆ بەردەوامش بۆنە.هیوادارێنمێ ئێژا سری سڵامەتی وێش بەدەس بارۆوە."

'پروسەکە بەردەوام بۆنە'

جەودەت یڵماز بە ئاماژەدای بە دەورو ئۆندەری جە پرۆسەو سیاسینە ئەرەیاوناش: "ئی پرۆسە پەێوەس بە تاکەکا نییا، پرۆسێوەن بە شێوێ وەرفراوان بە ئیرادەو سیاسی ملۆ وەڵێوە. ئامانجو جەنابو سەرۆککۆماری 'تورکیایێ بێ تیرۆرا' ئی ڕوانگەو ئی سەردەمەو تورکیاین. بە بانگەوازەکەو ئێژا باغچەلی پرۆسەکە خێراتەر بییەن. کاتێ ئی پرۆسە دەسش پنەکەرد، گرنگ بێ کە بە خێرایی و بە عالی بەردەوام بۆنر. پرۆسەکە بەردەوام بۆنە. چێگەنە هیچ لاوازیێ بییەیش نییا. بە دڵنیاییۆ بەشدارییەکێ ئێژا سری سورەیای فرە گرنگنگێنێ. بەڵام ئی پرۆسە بەردەوام بۆنە."

هەرپاسە یڵماز ئەرەیاوناش کە ئا زانیاریێ جە سەردانەکەو خەسەخانەینە بەدەسشا ئاردێنێ، بە ڕەجەب تەیب ئەردۆغان، سەرۆککۆماریشا یاونمێ.