ئێرانەنە حۊت ژەنە هونەرمەڼۍ گۆرانی واتەیشا چنە قەڎەغەکریا
حۊت ژەنە هونەرمەڼۍ خوزستانەنە جە لایەنو وەزارەتو ئیتلاعاتو ئێرانیوە چڕیۍ و دماو ئەوەکۊڵیای ئا ژەنۍ ناچارۍ کریۍ بە ئیمزاکەردەی قەولنامېوە پەی قەڎەغەکەردەی گۆرانی واتەی چنەشا.
بە پاو هەواڵو ڕێکوزیاو مافەکا مرۆڤو هەرنای، هېزی حۊت گۆڕانیواچۍ ژەنۍ و ئەرەنیشتۍ ناوچەو بەهبەهانی سەر بە پارێزگاو خوزستانی جە لایەنو ئیدارەو ئیتلاعاتو ناوچەکەیۆ چڕیێنۍ بە مەبەسو ۋنەپەرسایۆ.
هەر جە هەواڵەکەنە ئامان: "دماو ئەوەکۊڵیای ناچارۍ کریۍ بە ئیمزاکەردەیی قەولنامېوە کە گۆرانی واتەی بە تەنیا، بەشداری کەردەی جە گلېرۊبیەی ژەنا، ژەنای ئامێری مۊسیقی و وەڵاکەردەیۆ چالاکی هونەری جە پەلیانە کۆمەڵایەتییەکاشانە چنە قەڎەغە کریان.
ئینە نامۍ ئا حۊت ژەنانە، ئیلاهە ئەحەدی، مەهسان ئیحترامی، نەگین مەنسووری نەژاد، ئازاردخت تاهیرپوور، ڕامیش سەید، موژدە نەسیری و زولفا جەماشیانی."
