ئەندامی ڕێکخراوی سی پی تی ئەمریکی کامەران عوسمان ڕایگەیاند کاتژمێر ١٣:٤٥ سوپای تورک بە تۆپ چوار جار گوندی بەرچێی سەر بە نهێلێ ناوچەی ئامێدی لە دهۆک تۆپباران کردووە.

ڕاگەیاندرا، کاتژمێر ١٤:٢٤ سوپای تورک ٩ جار گوندی مژێ و کەڤنەمژێ و سپیندار و گرگەشێ سەر بە گارەی لە ئامێدی تۆپباران کرد. خانووی دوو هاوڵاتی خاپوورکرا.

زانراوە کە ئەمڕۆ دەوڵەتی تورک ١٣ جار گوندەکانی هەرێمی سنووری ئامێدی تۆپباران کردووە. هێرشە زیانی گیانی نەبووە.